| föstudagur, október 06, 2006 |
|
Æfingabúðir í Spala, Póllandi
Nú eru 2 vikur bráðum síðan ég kom aftur til Leverkusen eftir 10 mánaða hlé. Það var skrítið að koma aftur, að taka upp hanskann í raun þar sem ég lagði hann frá mér einn nóvembermorguninn, en ánægjulegt. Þessar tvær vikur sem liðnar eru hef ég verið á fullu að koma mér bara fyrir og æfa jú smávegis bara sjálf. Á morgun hefst þó gamanið fyrir alvöru þegar 13 manna hópur fer til Póllands í viku í æfingabúðir. Í raun eru þetta endurhæfingarbúðir því við munum fara í kæliklefa á hverjum degi. Þetta er kæliklefi með -110 gráðu frosti. Inn í hann er farið í 2-4 mínutur í einu nokkra daga í röð. Þetta á að flýta fyrir endurhæfingu í líkamanum þ.e minnka bólgur og flýta fyrir bata á meiðslum. Ég er mjög spennt að sjá hvernig þetta verkar á mig. Einnig munu hefjast skipulagðar æfingar í Póllandi. Ég er að fara með þjálfaranum mínum og æfingafélugum og eru þau að byrja að æfa núna eftir sumarfrí. Að sjálfsögðu mun ég hafa myndavél með í för og mun ég birta þær á thorey.net |
posted by Thorey @ 19:35   |
|
|
|
|
|
4 Comments:
Brrrrrrrrrr.........
Mundu bara eftir húfunni ;-)
Kv. Albert.
Já og ég er að spá í að taka dúnúlpu með mér þrátt fyrir góða spá. 20 stiga hiti á daginn en þó ekki nema 7 stig á kvöldin. Held ég þurfí þó dúninn til að ná í mig hita aftur eftir klefann..
Þetta er rosalegt!! Vá ég byrja bara að hristast við tilhugsunina!! Góða ferð krútta :)
Mér finnst -10 alveg nóg...
Góða ferð, skemmtun og gengi :)
Skrifa ummæli
<< Home