| fimmtudagur, nóvember 15, 2007 |
| Ekki enn dauð úr öllum æðum.. |
Æfingin var ekkert super, en vó hvað var ég að pæla á mánudaginn. Gat stokkið í hverju aðhlaupi núna en er þó ekki sátt með vinnsluna hjá mér á stönginni. Er með rosa gott plant en svo bara fer ég í sumarfrí á stönginni. Þarf að vinna betur í að klára stökkið í gegn. Fór mína 4,10 enn einu sinni en átti þó nokkur ágætis stökk á 4,20. Þetta kemur hægt og rólega. Hækkaði gripið aðeins meira í dag og er það alltaf skref í rétta átt.
Seinnipartinn var síðan hoppæfing ásamt klukkutíma stöðuæfingum. Það merkilega við þá æfingu er að ég hef ekki farið í gegnum svona hoppæfingu síðan árið 2005!! Já stór sigur í dag og fæturnir eru bara eins og nýjir :)
Smá viðvörun til ykkar íþróttafólks. Þið sem kaupið/notið Kinesiotape passið að á límhliðinni séu óbrotnar sin/cos bylgjur. Það má ekki koma strik í gegn og munstrið á heldur ekki að vera öðruvísi en bylgjur. Það eru víst margar eftirlíkingar í gangi og keypti ég meðal annars tape sem er með þverstrikum í og engum bylgjum. Vildi bara láta ykkur vita því ég hafði sjálf aldrei pælt í þessu fyrr en sjúkraþjálfari hérna sagði mér frá þessu.
Það er hreinlega ekkert annað en mínar eigin íþróttir í fréttum. Er föst í eigin æfingapælingum og plönum. Pæli lítið í öðru þessa dagana, svo þið verðið bara að lifa með því í nokkrar vikur :) |
posted by Thorey @ 19:29   |
|
|
|
|
|
3 Comments:
Ég kvarta ekki, finnst ótrúlega gaman að lesa æfingabloggið hjá þér.
Súpan fékk mig til að brosa breitt- dauðlangar að sjá mynd af þér með rautt brunnið nef heheh svona er maður nú slæmur ;)
Gangi þér sem allra best í æfingunum skvís !
Kv.Hugrún :)
Skrifa ummæli
<< Home