| fimmtudagur, janúar 04, 2007 |
|
Aftur í alvöruna
Var að koma aftur til Leverkusen í dag. Tíminn heima er búinn að vera frábær og allt of fljótur að líða. Prófin gengu vel og jólasteikinni kyngdi ég auðveldlega. Áramótin voru voðalega kósý og mikið um fjölskyldusamkomur síðustu vikuna á árinu. Finnst það æðislegt og fátt skemmtilegra en gott fjölskylduhóf með tilheyrandi kræsingum og kjafti. Í einu þeirra var meira að segja stiginn dans en með mismunandi góðum árangri.. ;)
Æfingar gengu bara fínt heima. Sjaldan náð að halda dampi svona vel í jólafríi og prófum eins og núna. Höllinn á þar mikinn þátt ef ekki allan. Formið er þar af leiðandi bara alveg ágætt og ég stökk í gær í göddum á 10 skrefum. Gekk vel fannst mér.
Allt ágætt að frétta af liðinu héðan. Frétti reyndar af pólverjum hérna í æfingabúðum og ég get alveg játað að þetta er ekki mín besta vinkona úr stönginni en sjáum til hvort samkomulagið verði ekki bara ágætt. Anna Rogowska er semsagt hérna og verður til 17.jan.
Ætla að fara og kíkja á liðið
GLEÐILEGT ÁR |
posted by Thorey @ 15:38   |
|
|
|
|
|
6 Comments:
Velkomin aftur til Leverkrusen
og takk fyrir komuna til mín á Selfoss, það var mjög gaman að þú skyldir koma :)
gangi þér vel að æfa á nýja árinu
kveðja Bryndís
Takk Bryndís og gangi þér vel sömueiðis í þínu öllu á nýja árinu.
Það var gaman að koma loksins við og sjá þetta glæislega hús. Samgleðst ykkur
Gaman að heyra í þér áðan. Vona að laxinn hafi verið góður. Mátt alveg senda mér eina góða uppskrift af lax við tækifæri...Knús
Sömuleiðis Hildur mín.
Eldaði lax í ofni. Hér er uppskriftin í stuttu máli:
Kreistar appelsínur + smá rifið hýði
Kreistar sítrónur + smá rifið hýði
Kreist lime + smá rifið hýði
Rifin engiferrót
Rúsínur
salt + cayennepipar
Blandað saman og laxinn látinn marinerast í amk hálftíma. Hann síðann settur í fat, smjörklípa yfir og appelsínubátar og stutt inn í ofn. c.a 10-15 min.
Marineringin hituð og bætt smá rjóma í og borin fram sem sósa.
Rosalega gott :)
NAMMI NAMM... hljómar geðveikt vel
gleymdi að það er líka smátt saxaður laukur í marineringunni.
Já þetta bragðast mjög vel
Skrifa ummæli
<< Home