| sunnudagur, ágúst 12, 2007 |
| Síðustu dagarnir |
Æfingar ganga bara alveg þokkalega og hásinarnar hanga réttu megin við verkjamörkin.
HM planið er aðeins að skýrast en hótelið í æfingabúðunum í Kagawa er klárt. Þar verða Véddi og íþróttamennirnir hans auka danana og svo frétti ég að svíarnir verða þar líka. Svo Stanley karlinn verður á svæðinu. Verður gaman að hitta hann.
Vandamálið er aftur á móti flugið. Það hefur ekki enn verið staðfest því stangiranr komast ekki í flugvélina. Eins gott að það komist á hreint á morgun og þá fljúgum við líklega frá Amsterdam. Ef það flug klikkar verðum við að skipta um flugvöll í Tokyo og veit ég ekki hvernig það á að vera hægt með stangir. Gummi kemur sem betur fer í dag og mun þá hjálpa mér með stangirnar á ferðalaginu.
Svo ef flugið gengur upp munum við fara á miðvikudaginn til Kagawa og síðan 23.ágúst til Osaka. Undankeppnin er 26.ágúst og úrslit þann 28. Ekki laust við að smá stress sé komið í mína..
Ég mun líklega nota thorey.net á meðan ég er í Japan. Ég smelli samt kannski myndum af með gsm-símanum og set þær hér inn. Annars koma líka líklega myndir á thorey.net. Endilega verið dugleg að kommenta eða senda mér email. Gaman að fá kveðjur. |
posted by Thorey @ 07:26   |
|
|
|
|
|
13 Comments:
Hæ Þórey. Gott að heyra að það gangi allt vel hjá þér. Vil bara vera snemma í því og óska þér góðs gengis á HM og vonandi gengur ferðalagið vel. Ég veit þú átt eftir að standa þig með miklum sóma.
Kv. Helga Margrét
Takk kærlega Helga Margrét. Ég lofa að gera mitt allra allra besta.
Gangi þér virkilega vel !!! OG vona þetta reddist með stangirnar :)
Aldeilis gott að hafa Gumma með líka ;)
Hafðu það sem allra best og ég mun fylgjast með þér skvís !
Já gangi þér ótrúlega vel! Ég á eftir að vera límdur við sjónvarpið að horfa á þetta og veit að allir heima hugsa til þín.
Gangi þér alveg rosalega vel! Þú átt það sko skilið. Ég fylgist spennt með :)
Elsku Þórey, gangi þér rosalega vel á mótinu. Mun fylgjast með fréttum af þér.
Bestu kveðjur
Erla Björk aka Hamingjuskott ;)
Gangi þér rosalega vel!! Mundu bara að viðhorfið skiptir öllu máli. Þetta verður stórkostlegt hjá þér :)
Til hamingju með linsuna - flott.
Ótrúlega fallegt þarna í Japan. Virðist vera lítil mengun þar sem þið eruð.
Gangi ykkur vel og hafið það gott.
M+P
Sæl Þórey, gangi þér vel sendi baráttukveðjur úr Firðinum. Þú átt vonandi eftir að stökkva hátt.
Siggi
Takk kærlega fyrir allar kveðjurnar. Þykir vænt um að heyra frá ykkur :)
Ég negli á það!
Síðbúnar baráttukveðjur til þín!
Bjössi
Gangi þér ógeðslega vel!!!! Sendi þér alla mína strauma...
Kv, Fjeldsted
Hæ
þú stóðst þig vel á HM, það var gaman að fylgjast aftur með þér á stórmóti, svo er bara að halda svona áfram og toppa það svo á Ól. eins og þú segir sjálf :).
Það væri rosalega gaman að sjá þig ef þú ert á landinu þegar krílið kemur í heiminn.
Bestu kveðjur frá okkur öllum Bryndís, Rúnar og Geirmundur Viðar
Skrifa ummæli
<< Home