the

2008-09-13T20:26:00.001Z

2008-09-13T20:25:00.001Z

Bae bae Leverkusen

2008-09-13T20:23:00.001Z

Fréttir og myndir

2008-08-09T01:38:00.001Z

Nýjar fréttir og myndir eru á thorey.net

Takk kærlega fyrir kommentin ykkar.

Smá laumuskot

2008-08-03T16:53:00.002Z

Langar bara að deila því með ykkur örstutt að stökkæfingin í dag gekk loksins VEL. Ég stökk á 12 skrefum í gaddaskokkskónum mínum og fór 4,30. Hæsta sem ég hef farið á æfingu í 3 ár held ég... og það á stuttri atrennu. Þetta staðfestir tilfinninguna mína um að formið sé loksins að detta inn og hver veit nema ég nái að toppa mót síðustu 3ja ára í Pekíng.

Viðtal í 24 stundum - Leiðrétting

2008-08-03T06:49:00.003Z

Í gær birtist viðtal við Rögnu, Ragnheiði og mig útaf Ólympíuleikunum. Þar stóð að við værum allar bindisdismenn á áfengi og tóbak en í mínu tilfelli er það ekki rétt. Jú hörð bindisdismanneskja er ég á tóbak en áfengi drekk ég mjög í hófi en smakka þó. Rauðvín með steik er nánast möst.. Einnig fæ ég mér alveg bjór stundum. Í gær fékk ég mér t.d einn Kölsch (0,2l) með matnum á veitingastað sem við Gummi vorum á.

Einnig vil ég taka fram að ég hugsa EKKI á hverri æfingu að mig langi til að hætta! Skil ekki alveg hvar fréttakonan fann þá setningu hjá mér. Held ég hafi frekar sagt að auðvitað komi það fyrir að maður hugsi það en aldrei af alvöru. Mér finnst það einfaldlega of mikil forréttindi að vera íþróttamaður að ég vil ekki hætta. Það er nú líklega þessvegna sem ég er enn að og ekki löngu hætt. Ég kvíði mjög fyrir nýjum kafla í vinnu í haust. Sitja allan daginn inni á skrifstofu! Úff.

Ég er búin að vera lengi að í íþróttum og að hætta er eitthvað sem ég get varla hugsað mér. Ég mun þessvegna aldrei hætta alveg þótt það komi auðvitað að því að ég nái lágmörkum á stórmót ekki lengur. Fyrst og fremst vantar líkamanum mínum smá hvíld eftir þetta keppnistímabil og mun ég gefa honum það.

En nú er stórt verkefni framundan og ekki tími til að tala um að hætta eða hætta ekki. Nú verður bara algjör fókus næstu vikur. Síðasta stökkæfingin með þjálfaranum mínum, Leszek, er á eftir og svo flýg ég á mánudag. Í Japan mun ég þó ná tveimur stökkæfingum með Gumma fyrir undankeppnina. Eftir æfingu í dag ætla ég að þvo þvott og byrja að pakka.

Ég held ég ætti að nota thorey.net á meðan ég er úti en mér finnst bara leiðinlegra að nota þá síðu af því að það er ekki hægt að kommenta. Þætti voðalega gaman að fá komment eða email frá ykkur. Gætuð alveg kommentað hér þótt þið séuð að lesa frétt á thorey.net. Einnig er emailið mitt thorey@thorey.net

Það er bannað að flytja fréttir af einhverjum öðrum en sjálfum sér á bloggsíðum þegar ÓL stendur yfir. Þessvegna mun ég bara tala um sjálfa mig þegar ég er úti. Þið vitið þá allavega afhverju ég er svona sjálfhverf..

Jæja hafið það sem allra best og við heyrumst næst í Japan.

2008-08-02T18:36:00.001Z

Styttist í óðum í ÓL

2008-08-01T16:20:00.002Z

Í dag er aðeins vika í opnunarhátíð Ólympíuleikanna! Finnst ótrúlegt hvað þetta er búið að vera fljótt að líða og ég væri svo til í að það væri ennþá ár í leikana... og sinarnar væru í lagi. Finnst mér vanta aðeins meiri tíma til að koma mér í betri hæðir. Þó gæti eins verið að það hefði ekkert uppá sig. En allavega, formið er þó á uppleið og ég finn með hverju mótinu núna að öryggið eykst og ég fer á stífari stangir. Í Póllandi í fyrradag fór ég 4,15 í fyrstu og 4,30 einnig létt í fyrstu en svo kom að 4,40 og enn einu sinni rétt felli ég. Þetta er spurning um sekúndubrot sem ég þarf að fara meira afturábak á stönginni en einhverra hluta vegna, sama hvað ég reyni að hugsa það, þá vill hugurinn ekki framkvæma þetta litla atriði. En eins og ég segi er ég orðin ánægð með atrennuna og uppstökkið er orðið betra (var oft að kikna í hnénu framan að sumri) og stökkin farin að fljóta í gegn án þess að ég þurfi að pína hausinn á mér fyrir hvert stökk. Ég skal ná þessu auka sekúndubroti sem þarf til að fara yfir ránna í Pekíng.

Þegar ég lenti i Köln í gær fór ég beint til Düsseldorf í sprautu á sinina enn einu sinni og vona ég að þetta haldist núna nógu gott fyrir leikana. Ég verð að æfa á þetta á fullu næstu daga til að geta haldið formi og helst bætt það. Er að spá í að setja æfingaprógramm mitt 2ja næstu vikna á thorey.net til að leyfa ykkur að kíkja á það. Fyrir síðustu leika setti ég matardagsskránna sem sló svo heldur betur í gegn :) Æfingaprógrammið er þó auðvitað ekkert heavy dæmi þ.s mótið nálgast og ferskleikinn er í fyrirrúmi.

Gummi er kominn til mín og við höldum til Japan á mánudaginn. Úff bara helgin eftir og svo er þetta allt að skella á. Hann fer þó heim 13.8 eða daginn sem ég fer til Pekíng.

Pólland á morgun, kvörtun yfir lyklaþjónustu ofl

2008-07-28T19:12:00.003Z

Hér er ofur hiti þessa dagana og maður nýtir hvert tækifæri sem gefst til að stökkva í sundlaugina. Reyndar týpísk ég að vera komin heim af æfing hálf eitt og festast við verkefni í tölvunni, ryksuga, skúra og þurrka af alveg kófsveitt og á meðan er glampandi sól úti. Ákveð loksins að koma mér í sundlaugina og leggjast á bakkann og þá er klukkan orðin 17 og orðið skýjað. Þannig var það í dag :)

En ég held til Póllands á morgun. Flýg til Kattowitz og verð sótt þar. Mótið er í Bielsko-Biala. Ætla bara að taka mótið með jafnaðargeði og hafa gaman af. Er hætt að eltast við hæðir og hugsa um þær, kemur mér allavega ekkert hærra.

Af útlæsingarmálunum er það að frétta að nágrannakona mín er æfari en ég yfir þessu og er búin að fara útum allan bæ að athuga hvort þetta sé eðlilegt verð. Niðurstaða könnunar hennar er að þetta er fáránlegt og ég eigi að skrifa bréf til Notendaþjónustu Nord-Rhein Westfalen sem er sýslan sem ég bý í. Ég er búin að hripa eitthvað niður og mun koma þessari kvörtun sem fyrst í póst. Sjáum hvað kemur útúr því.

Bjössi Arngríms kemur til mín á morgun (eða í heimsókn til íbúðarinnar þ.s ég verð farin til Póllands) og gistir því hann er að keppa á Bayer mótinu hérna á vellinum mínum á miðvikudaginn. Gaman að því og ég vona að hann nái að hlaupa vel. Allavega er spáð áframhaldandi steik.

Annars takk fyrir kommentin og endilega haldið þessu áfram :)

Fyrst maður er byrjaður að blogga...

2008-07-27T17:34:00.002Z

en þið verðið að drullast til að skrifa athugasemdir!

En vá ruglið sem ég lenti í í gær. Ég var að fara á æfingu, svona eins og gengur og gerist, nema ég fattaði um leið og ég lokaði hurðinni af íbúðinni að ég gleymdi lyklunum inni. Fékk nett áfall en hringdi svo í lyklaþjónustu sem svo birtist nokkru síðar. Ekki gat gaurinn opnað með að stinga prjóni á milli því hurðin er svo þétt uppvið dyrakarminn þannig að hann braut hurðarhúninn af og skipti um dót í kringum lásinn sjálfan. Þessi maður var mjög furðulegur. Tautandi endalaust og alveg búinn á því þegar hann þurfti að fara af 3ju hæð niður í bílinn sinn að ná í eitthvað. Kom eins og hvalur aftur upp. En hvað um það. Hann lauk verkinu og settist svo niður að skrifa reikninginn. 389 evrur takk fyrir!!!! Sem gerir með genginu í gær 127,8 evrur samtals 49.714 kr!!!!! Ég jafna mig ekki á þessum reikningi skal ég segja ykkur næstu árin. Ég vildi fá að vita af hverju þetta var svo dýrt og kona sem býr fyrir neðan mig sagði við hann að hann hefði átt að reyna betur með prjóninum á milli karms og hurðar og upphófst mikið rifrildi og missti maðurinn algjörlega stjórn á skapi sínu. Gargaði og sakaði okkur um að kalla hann svikara og bla bla. Ég bað um að fá að tala við yfirmann hans því ég vildi fá að vita af hverju þetta væri svona dýrt. Sá bullaði um eitthvað helgargjald ofl. Ég fékk fram smá afslátt eða borgaði 350 evrur (44.730kr) sem er enn fáránlegt verð! Ég er í sjokki.

Íslandsmeistaramótið var um helgina og óska ég öllum íslandsmeisturum til hamingju með titilinn. Sérstaklega vil ég óska Kristbjörgu Helgu til hamingju með frábært Íslandsmet!

Af thorey.net

2008-07-26T08:01:00.001Z

Nú er júlí senn á enda og mánuður Ólympíuleikanna að renna upp.

Ég hef keppt á 8 mótum í sumar og búin að fara alltaf bara opnunarhæðina mína 4,20 nema á Bikarmóti FRÍ heima á Íslandinu góða fór ég 4,30. Ég á eftir að keppa á einu móti fram að leikum en það verður í Biesko-Biala í Póllandi þann 30.8.

Því miður þurfti ég að sleppa sjálfu Íslandsmeistaramótinu sem er núna um helgina vegna hásinarinnar. Á síðasta mótinu mínu sem var á Krít versnaði ég svo rosalega í sininni að ég gat lítið gert á æfingu síðustu vikur. Þegar ég fann að sininn var ekkert að fara að jafna sig af sjálfsdáðum hringdi ég í lækninn minn í Munchen og flaug þangað á fimmtudag síðasta til að hitta hann. Núna er ég aftur miklu betri (langt frá því að vera góð) og ætti að fara að geta stokkið næstu daga á ný og vonandi get ég keppt í Póllandi. Þar keppi ég að sjálfsögðu ekki nema ég sé nógu góð.

Fyrir Ólympíuleikana mun ég fara í æfingabúðir til Japan (Marugame) á sama stað og við fórum í fyrra fyrir Heimsmeistaramótið. Þangað er flogið þann 4.ágúst og til Pekíng flýg ég svo þann 13.ágúst. Undankeppnin er síðan þann 16.ágúst og mun ég reyna að gera allt til að komast í úrsltiakeppnina sem er þann 18.ágúst. Það verður ansi tæpt en þó að sjálfsögðu möguleiki. Sjálf veit ég að ég get farið hærra en ég hef sýnt í sumar og verð bara að reyna að sýna það á leikunum sjálfum.

Eftir leika mun ég fara aftur til Leverkusen þ.s ég mun pakka saman öllu dótinu mínu og flytja það til Íslands. Ég er búin að fá vinnu heima á Íslandi og mun taka nýr kafli við í mínu lífi. Ég segi þó ekki alveg bless við stöngina þótt ég muni taka hana upp mun sjaldnar en áður. Að vera meidd í 2 ár sleppur en þegar árin eru orðin 3 fer maður að hugsa sinn gang. Ég er 31 árs gömul og búin að æfa amk 6-9x í viku eða um 20-25 klst í 18 ár og líkaminn fer að sjálfsögðu að segja til sín. Ég vildi þó gjarnan vera 21 árs núna og eiga fullt af árum eftir því hausinn gæti alveg haldið áfram í 10 ár í viðbót. En við eldumst víst öll..

Ég ætla að njóta síðustu viknanna minna hérna í þessu afreksíþróttaumhverfi sem ég hef búið í síðustu 5 árin. Njóta Ólympíuleikanna sem verða mínu síðustu og njóta þess að stökkva stangarstökk sem er það skemmtilegasta sem ég geri.

Yoo, Richi, Michael

2008-07-25T09:55:00.001Z

2008-07-19T13:27:00.001Z

2008-06-16T07:19:00.001Z

Rabat, Marokkó

2008-06-16T07:18:00.003Z

Við Silke, Leszek, Carolin Hingst, Natasha Benner og Ann-Kathrin Swartz flugum síðastliðinn fimmtudag til Casablanca í Marokkó. Þaðan var svo keyrt til Rabat þ.s við kepptum svo á laugardag. Þetta var alveg ágætis ferð í heild, gott hótel og geggjaður matur. Ég gjörsamlega át á mig gat af allskonar góðgætum. Ég er með ólívu æði og mér til mikillar ánægju voru ólívur í boði í hverri máltíð. Ég var með stelpu frá Kólumbíu í herbergi og talaði hún bara spænsku svo við töluðum ekki stakt orð allan tímann.

Keppnin sjálf var í áttina hjá mér. Aðstæður voru gjörsamlega fullkomnar, meðvindur og passlega heitt. Það var þó ekki nóg til að ég stykki hærra en á síðustu mótum og auðvitað var ég pirruð yfir því. Fór bara byrjunarhæðina 4,22 en næsta hæð var 4,37 og átti ég alveg að geta það. Tæknin var þó mun betri en á síðasta móti og ef aðstæður verða góðar í Tallin vonast ég til að ná hærri hæð þar.

Tók fullt af myndum en við kíktum í göngutúr á frídeginum og set þær í dag inn á thorey.net
Myndin hér að ofan er tekin á símann í keppninni og eins og þið sjáið voru um 90% áhorfenda ungir karlmenn. Þeir héldu uppi rosa stemningu með hrópum og köllum og hálf dönsuðu í stúkunni.

Oli, Silja og Gummi

2008-06-10T12:55:00.001Z

Heimsokn frà Islandi

Hundfúl

2008-06-08T22:34:00.003Z

Fór aftur bara 4,20 og er frekar ósátt. Finnst þetta ekki alveg vera að ganga nógu vel en jú ok þetta var nú bara 3ja mót og ég verð víst að gefa þessu meiri tíma. Það var samt gaman og öðrum Íslendingum gekk vel. Við vorum að koma heim en Silja og Óli Tómas komu með okkur því þau eru svo að fara að keppa í Hollandi næstu helgi.

Farin í rúmið, góða nótt

Regensburg á sunnudaginn

2008-06-06T12:06:00.002Z

Það helsta í fréttum er auðvitað að Gummi kom í gær og mun vera vonandi einhverjar vikur. Tíminn er óráðinn enn því hann er meiddur og mun þetta ákvarðast svolítið á ástandinu á honum. Mig langar helst ekkert hleypa honum neitt meira heim nema þá þegar ég fer heim líka :)

Við keyrum á litlu fiestunni minni á morgun til Regensburg sem er 500km frá Leverkusen. Þar hittum við Silju, Bjögga, Óla Tómas, Tobba og Stebba sem munu keppa þar líka. Það verður því pottþétt mikið stuð á vellinum.

Vildi bara rétt láta vita af mér og læt ykkur næst vita hvernig mótið fer.

SATC kvöld

2008-06-03T19:03:00.001Z

Stangir sem brotna

2008-06-02T19:30:00.004Z

Jæja varð að eyða myndinni sem ég tók af mér í Munchen í dag og setti hér inn... ekki sú flottasta. Maður sér myndina svo illa eitthvað í símanum að ég tek bara sjénsinn í hvert skipti þegar ég pósta þessu hingað :) Maður getur ekki alltaf verið flottur..
Versta var að ég fékk akkurat komment um stangir sem brotna við myndina svo ég leysi þetta bara með því að skrifa um það hér.

Það gerist alltaf af og til að stangirnar brotna. Sem betur fer hefur það bara gerst 1x hjá mér í stökki og 1x þegar ég hitti ekki stokkinn með stönginni heldur setti hana undir dótið sem dýnurnar liggja á og hljóp svo á hana. Stangirnar eiga ekki að brotna í stökki en það getur þó alltaf gerst. Í verksmiðjunni eru þær prófaðar mikið og reynt að útiloka möguleika á að ný stöng brotni. Eins og ég segi, þá gerist það samt og ég sá það nú síðast í Saulheim á föstudaginn gerast þegar fyrsta stökk á nýrri stöng endaði illa, með broti. Það hefur gerst fyrir Jón Arnar líka veit ég. Gamlar stangir geta brotnað ef þær eru mjög slitnar. Einnig þarf að passa að það komi ekki þungt högg á þær eða rispa t.d eftir gadda (getur gerst þegar hætt er við stökk) en þá getur hún brotnað. Slíkt var tilfellið núna hjá Danny Ecker í Berlin í gær, högg/rispa sem olli broti. Það er ljóst að það þarf að passa vel upp á stangirnar og ganga vel frá þeim svo enginn geti leikið sér með þær og rispað illa. Lífið manns getur oltið á þessu en Annika Becker, besta þýska stelpan fyrir einhverjum árum, hætti einmitt eftir að hafa lent á höfðinu þegar stöng brotnaði. Hún rétt slapp við lömun í það skiptið en hætti stangarstökki. Hún sagðist ekki vilja setja líf sitt að veði fyrir íþrótt. Þetta er áhætta sem maður tekur og með því að passa uppá stangirnar, skoða þær af og til og setja til hliðar þegar eitthvað er, þá ætti maður að vera nokkuð öruggur.

2008-06-02T11:25:00.001Z

4,20..

2008-05-30T21:54:00.003Z

Ég held að keppni geti ekki verið styttri hjá einni manneskju eins og hjá mér í dag. 1 stökk takk fyrir það var allt og sumt sem ég gerði í dag. Tók jú 1 stökk i upphitun líka. Þannig var mál með vexti að það gerði alveg þvílikt úrhelli, þrumur og eldingar að keppninni varð aflýst. Ég var satt að segja fegin því ég var þvílíkt að pína mig til að stökkva. Var vægast sagt mjög slæm í vinstri sininni sem er uppstökkfóturinn. Ekki gaman það. Stökk meira að segja bara á flötum skóm í dag. Sprauta á mánudaginn, hvíld og stökkva svo vel og verkjalaus á sunnudaginn í Regensburg.

Við keyrðum svo beina leið heim og í útvarpinu var endalaust mikið að viðvörunum og talað um að óveður væri úti. Tré lágu yfir einhverjum vegum og flæddi yfir aðra. Brýnt var fyrir fólki að keyra varlega. Á meðan segir Leszek: "Hérna fékk ég síðustu punktana áður en ég missti bílprófið síðast.. Það má keyra á 130 hérna og þá get ég keyrt að mínu mati auðveldlega á 160 en eftir að það var flassað á mig held ég mig bara á 150." Já mér fannst ég í mjög öruggum bílstjóra höndum....not (fer alveg að hætta með þetta not dæmi).

En ég komst á heilu og höldnu heim, eða allavega í heilulagi heim. Hásinin þarf nú einhverja meðhöndlun greyið.

Pabbi minn 58 ára í dag!

2008-05-29T17:34:00.003Z

Til hamingju!

Mót nálgast

2008-05-28T21:55:00.003Z

Næsta mót á að vera núna á föstudaginn í Saulheim. Ég er reyndar frekar slæm í hásininum í dag eftir ferðalag til Hollands í gær vegna fótamælinga. Ég vona ég verði orðin betri á föstudaginn aftur svo ég geti keppt.

Það var semsagt Orthopad í heimabæ Rens í gær, Sittard, og ákvað ég að nýta tækifærið og hitta hann. Hann vinnur með kínverska ÓL liðinu og á að vera voða góður. Ég þurfti að taka 2 spretti berfætt yfir mælingaplötu svo hann sæi hvernig ég beitti fótunum í átaki. Nema fyrir mig að hlaupa berfætt er dauði og er ég að finna vel fyrir því núna. Ég fékk þó allar mælingar og hann mun búa til gaddaskó úr tveimur skóm sem ég á. Annað parið eru reyndar þegar þannig skór en ónothæfir því það var ekki rétt gert. Hann mun semsagt laga þá, búa til eina í viðbót og gera ný innlegg. Hann sagði að fæturnir á mér væru mjög slæmir því liðamótin í ristinni og við hælinn eru svo laus að það skapa mikið álag á hásinarnar. Hann ætlaði að redda þessu með einhverjum voða flóknum innleggjum.

Af Þýskalandi er annars það að frétta að bensínverðið er jú að tröll ríða öllu hérna eins og heima. Í fyrstu fjórum mánuðum ársins jókst ásókn í lestina um hvorki meira né minna en 20 milljón manns! Fólk hjólar líka miklu meira. Flugfélög eru farin að plokka peninga í allskonar aukakostnað eins og að fá að tékka inn tösku kostar 5 evrur og ef maður gleymir að panta fyrirfram fyrir töskuna sem þú ætlar að tékka inn þarftu að borga 10 evrur. Ef maður er með "heavy weight" tösku þarf ekki bara að borga yfirvikt heldur aukagjald fyrir að setja hana á sérstakt bretti.

Um daginn náðist sem betur fer maður sem kastaði 6kg stein niður af brú fyrir ofan hraðbrautina með þeim afleiðingum að kona sem sat í farþegasæti í bíl með manninum sínum sem keyrði og 2 börnum sem sátu aftur í dó þegar steinninn lenti á henni. Fjölskyldan var á leiðinni heim úr fríi.

Mjólkurbændur eru hérna í verkfalli vegna verðstríðs matvörubúða og er verðið orðið svo lágt núna að mjólkurbændur hafa varla efni á kostnaði sínum. Fréttir sýna bændur hella mjólkinni niður og fólk flykkjast í búðir að hlaða sig upp af mjólk.

Natasha Kambush, stelpan sem slapp útúr dyflissu ókunnugs manns þ.s hún var lokuð inni í 7 ár, byrjaði í dag með eigin spjallþátt í austurríska sjónvarpinu. Stuttu eftir að hún slapp hún sagðist hún vilja verða blaðamaður (journalist - hvert er íslenska orðið yfir það aftur? Þ.e orðið sem nær bæði yfir blöð og sjónvarp?)

Svo sá ég þátt í sjónvarpinu í kvöld um tvítugan strák sem missti báða handleggina í slysi fyrir þremur árum. Fyrirtækið Otto Bock (Össur Austurríkis) er búið að finna upp handlegg sem er stýrður af hugsunum hans og hann getur fundið snertingu með honum. Þetta er reyndar ekki fullklárað og segja þeir það muni taka um 3 ár í viðbót við að fullklára verkefnið. M.a vegur handleggurinn í dag 6kg en þarf að komast niður í a.m.k 3kg. Áður en hann fékk að prófa þennan handlegg fór hann í aðgerð þ.s einhverjar taugar úr heilanum og voru lengdar (skildi ekki alveg) niður í brjóstvöðva þ.s hann er ekki með axlarlið. Á brjóstvöðvann eru svo fullt af nemum og dóti og hann getur stjórnað hreyfingunni með huganum. Magnað!

Þetta var útvarp thorey, fréttir verða sagðar næst þegar hana langar til.

Góða nótt

Eurovision

2008-05-25T07:38:00.005Z

Í gær voru allir félagar mínir hérna í burtu að keppa svo eurovisionkvöldið varð ég að eyða með sjálfri mér. Langt síðan ég hef upplifað mig svona sorglega eins og í gær en tek það fram að mér leiddist ekki og var meira að segja ekkert svo einmanna. Ég byrjaði á því að fara ein út að borða sem er ekkert nýtt fyrir utan að það var ekki beint eftir æfingu í æfingagallanum heldur á laugardagskvöldi í gallabuxum :) Síðan fór ég og náði mér í pínulítið slikkerí og beið eftir því að keppnin hófst. Nema, aldrei byrjaði hún! Þjóðverjar sýndu ekki keppnina!! Vá hvað ég var svekkt og hneyksluð. Eftir smá bras í tölvunni fann ég þetta á netinu og gat horft á þetta þar sem betur fer.

Íslenska lagið fannst mér koma þvílíkt vel út og þjóðarstoltið blossaði upp í mér þegar þau voru á sviðinu. Sá á mbl að götur voru auðar á Íslandi því allir voru að horfa á sjónvarpið. Þetta er það sem ég dýrka við landið okkar, samstaðan er ótrúleg.

14.sæti raunin og er það frábær árangur. Mitt mat fyrir nágrannakosningum er sú að nágrannaþjóðirnar hafi einfaldlega svipaðan smekk og kjósi þessvegna frændur sína. Sjálfri fannst mér danir og norðmenn mjög góðir og var ég ekki hissa á stigum til þeirra eða frá þeim. Okkur finnst Austur-Evrópa oft með fáránleg lög en ég held að þeim þyki einmitt það sama um okkur í gömlu Evrópu. Við erum hallærisleg í þeirra augum..

Önnur ástæða fyrir nágrannaríkjakosningunni er jú auðvitað líka sú að nágrannalönd blandast meira. Ekki flytjum við til úkraínu og kjósum okkur þaðan.. Það er mikið um tyrki í Þýskalandi og meðal annars þessvegna fá tyrkir alltaf mikið af stigum frá þjóðverjum. Annars fannst mér tyrkneska lagið í þetta sinn bara alveg ágætt. Einnig búa jú margir íslendingar í danmörku og hjálpa okkur þar að fá þessi 12 stig.

Einu stig þjóðverja voru 12 stig sem þeir fengu frá Sviss. Hljómsveitin No Angels söng fyrir þjóðverja og er þetta band mjög vinsælt hér og ná vinsældir þeirra niður til Sviss. Var ekki rússinn einmitt celeb í Austur - Evrópu?

Hættum að svekkja okkur á þessari kosningu. Þetta er bara svona, verður svona og við erum svona sjálf!

Þótt við eigum kannski ekki mikinn sjéns á sigri í þessu þá eru aðrar þjóðir í sömu sporum. Það er jú bara 1/43 líkur á að vinna (voru ekki 43 lög sem tóku þátt?) Samstaðan, skemmtunin og að komast í úrslitakeppnina er algjörlega þess virði þátttöku Íslands að mínu mati.

Það hafðist

2008-05-24T07:15:00.003Z

Rúmur sólarhringur sem fór í það að hitta lækninn í 10 mín og fá 5 sprautur. Ég fékk reyndar lika vítamín í æð og teygjubindi yfir zink lækningar bindi á lappirnar. Læknirinn sagði þó margt jákvætt og er hann enn viss um að þetta eigi allt að lagast. Það var einhver bólga enn í sinunum og einnig er þessi hulla utanum hana klesst við sinina sem skapar mikinn verk. Hann sprautaði efni þarna á milli til að losa hana frá.

Ég gisti í þetta sinn á hoteli þ.s kærasti stelpunnar sem ég fékk að gista síðast upp í rúmi hjá, var í heimsókn... Pantaði tiltölulega ódýrt hótel af Munchenar mælikvarða og var það svona líka glæsilegt eins og þið sáuð á myndinni. Svaf allavega ekki mikið en bætti það upp með að sofa aðeins á grasinu á flottu myndinni af mér hérna að neðan.. (not). Svaf síðan 10 tíma í nótt og vaknaði við það að kónguló hljóp yfir lappirnar á mér. Hefði annars sofið lengur.. Af þeirri kónguló er annars það að frétta að hún er enn á lífi inní svefnherbergi og er örugglega að verpa litlum kóngulóareggjum í dýnuna hjá mér. Nei nei vonandi ekki svo slæmt og ég mun leita hana uppi með ryksuguna að vopni seinna í dag. Ekki að nenna því núna. Ætla að fara að lyfta og horfa á mót hérna á vellinum hjá mér.

Solbad a 'austurvelli'

2008-05-23T12:27:00.001Z

Er bara ad dreda timann fram ad flugi hér frekar en i budunum utum allt. Hlakka til ad koma aftur heim eftir hálf skritna nott. Enn 5 timar i tad.

Uppáhaldid!

2008-05-23T11:54:00.001Z

Algjörlega frábaer matur og hreinlega mitt uppáhalds. Ef tid eigid leid um munchen er Sasou vid Marienplatz málid. Japanskur matur.

2008-05-23T09:47:00.001Z

8 fm hotelherbergi!

2008-05-22T19:51:00.001Z

Stend alveg vid hurdina tegar èg tek myndina. Sameiginlegt klosett fram à gangi og ekkert sjonvarp. Samt 3ja stjöqnu hotel á 6500 nottina :) Sem betur fer er ég bara eina nott i munchen i tetta sinn og èg brosi breitt yfir tessu kostulega hoteli!

EM í fótbolta

2008-05-22T12:45:00.003Z

Eins og flestir vita fer EM í fótbolta að hefjast. Það er klárt mál að sum liðin eru með meiri peninga á milli handanna og geta gert meira fyrir menn sína. Ég held að það sé óhætt að segja að nóg sé af peningum fyrir þýska liðið. Núna eru allir leikmenn liðsins staddir á Mallorca ásamt fjölskyldum til að jafna sig eftir leiki vetursins. Borgað var fyrir heilt stór glæsilegt hótel til að enginn annar en þeir yrðu þarna til að trufla. Síðan fara fjölskyldurnar heim og við taka viku æfingabúðir. Að sjálfsögðu er nóg af læknum, sjúkraþjálfurum og öðru aðstorðarfólki til staðar til að þjóna þeim.

Á morgun á ég tíma hjá einum af þessum læknum (sami og síðast). Hann er við bara á morgun og tekur við sjúklingum bara þá því svo er hann næsta mánuðinn með landsliðinu. Ég var alveg hrikalega heppina að fá tíma, finnst það hreinlega þýða það að tímabilið mitt geti orðið gott. Án þessa læknis gæti ég einfaldlega ekki æft og hvað þá stokkið! Semsagt takk takk takk þú þarna uppi ef þú ert til :)

Allt að koma

2008-05-21T07:51:00.002Z

Stökk í gær og verður hver stökkæfingin núna alltaf betri og betri. Stökk bara á gúmmiteygju til að einbeita mér frekar að tækninni heldur en að fara yfir. Enn einu sinni var ég þó bara í flatbotna skóm en býst við að geta stokkið á göddum í næstu viku. Ég er nefninlega að fara til Munchen aftur á fimmtudagskvöld og fæ eina meðferð hjá lækninum á föstudaginn. Ætti að tryggja mér allavega 2 góðar vikur með því. Síðan er næsta mót þann 30.maí í Saulheim. Þar næst er mót í Regensburg 8.júní og svo í Marokkó þann 14.júní. Ég hlakka svo til að taka svona seríu af mótum. Mjög langt síðan að ég hef getað keppt helgi eftir helgi.

Hitti í gærkvöldi stelpu frá Mauritius sem býr í Leverkusen af því að hún er gift manni héðan. Áður bjó hún í Jóhannesarborg, Dubai og Doha! Vann þar á hóteli við að stjórna VIP móttökum. Hitti þar þjóðverja og kom með honum hingað. Einnig var írsk stelpa með okkur sem býr núna hérna til að æfa hástökk. Áður bjó hún á Ítalíu og svo auðvitað á Írlandi. Semsagt mjög alþjóðlegt kvöld með 3 konum sem hafa búið samtals í 10 löndum! Gátum sko talað um ýmislegt :)

Foreldravika

2008-05-18T19:44:00.005Z

Mamma og pabbi komu til mín á mánudagskvöld og fóru aftur heim í morgun. Þessi vika gjörsamlega flaug áfram. Nánast allan tímann var sól og bliða (stundum of mikil blíða fyrir mömmu) og var farið í göngutúra, til Kölnar, bæinn í Leverkusen, verslað, æfingu og í lautarferð útí garð... já við útbjuggum salat og settumst á teppi útí garð. Voða kósý :)

Ég fór einnig á tvær stökkæfingar og voru mamma og pabbi á pöllunum þá. Pabbi tók myndir sem ég setti á thorey.net ásamt fleiri myndum frá vikunni. Stökkæfingarnar gengu vel og er ég komin í mjög gott form á 12 skrefunum en þarf að ná að beita mér betur á fullu atrennunni. Það kemur og ég finn þetta verða allt betra með hverri æfingunni. Gúmmíteygjan var í 4,30 í gær og var ég bara rétt að strjúka hana. 4,20 er orðið auðveld hæð á 12 skrefunum.

En vikan þurfti víst að líða og er ég orðin ein aftur í kotinu. Frekar tómlegt og næsta vika verður lengi að líða. Frábær vika að baki og ég er ekkert smá ánægð með þau að hafa skellt sér til mín.

Efstu myndirnar eru myndir sem ég tók fyrir stúdíoportrait verkefnið sem ég er búin að vera að bögglast með. Eins og sést er lýsingin ekki alveg að gera sig með lömpum útúr búð en gaman að hafa reynt og finnst mér þau bæði voða sæt á þessum myndum. Svo koma 2 myndir frá Köln og þá úr lautarferðinni. Svo erum við neðst 3 voða sæt í einum göngutúr hérna um sveitina.

2008-05-16T17:01:00.001Z

Doha

2008-05-11T14:46:00.002Z

Ég komst semsagt heilu og höldnu heim úr þessu frekar erfiða ferðalagi. Við ferðuðumst heim strax eftir mótið og ég svaf í um það bil hálftíma í flugvélinni. Var síðan ekki komin heim fyrr en 10 um morguninn og vá hvað ég var dauð! Byrjaði á því að steinrotast til kl 17!

Þrátt fyrir ferðalagið sjálft var ferðin í heild skemmtileg. Svo gaman að vera komin á alvöru mót í góðri umgjörð. Ég lít á veru mína á mótinu svo allt öðrum augum en áður fyrr. Áður var þetta vani og eiginlega bara sjálfsagt en núna upplifði ég svo mikið þakklæti fyrir að geta og mega vera með, ég hreinlega saug í mig hverja mínútu sem ég átti þarna. Mér finnst svo skrítin tilfinning að vera nánast heil og jafnvel í formi aftur.

Já jafnvel í formi.. Ég vissi ekki við hverju ég átti að búast þegar ég mætti í upphitun og vanalega er mitt fyrsta mót algjört basl. Atrennan í rugli og stökkin öll hálfgert klúður. Í þetta sinn var þetta nefninlega ekki svona. Það var mótvindur í upphitun en ég ákvað að ég yrði bara að stökkva sama hvað á gengi því vinstri hásinin var ekki nógu góð. Varð semsagt að stökkva strax og vera ekki að eyða umferðum í rugl. Tók strax 4,45m stöng sem ég hef ekki notað síðan á HM í ágúst, plantaði henni og svo bara sveif ég! Hrikalega var ég hissa :) Lét það gott heita af upphitun og byrjaði svo bara í 4m eins og nánast allar stelpurnar útaf mótvindinum. Öll stökkin mín voru góð og það var ekkert basl og rugl í gangi. Ég er tilbúin til að hækka gripið og fara á stífari stangir. Vá hvað þetta var gaman!! Hlakka til næsta móts sem verður þann 30.maí í Saulheim og Leszek verður meira að segja þar.

Í Doha var mjög heitt. Ég ætlaði að gerast svo djörf að fara niðrí miðbæ og taka nokkrar myndir daginn fyrir mótið og bað um að vera skutlað í "city center". Ok ekkert mál og c.a 5 mínútum seinna stoppaði bíllinn fyrir framan risastóran innandyra verslunarkjarna (mall..). Ég varð nú frekar súr en nennti ekki að fara að reyna að biðja gaurinn um að keyra mig annað. Steig út úr bílnum og þá blöstu við mér þessi risastóru stafir á byggingunni City Center. Ok smá óheppni en ég virkilega spyr mig samt hvort það sé enginn venjulegur miðbær þarna eins og í flestum borgum vegna hitans. Það er bara ekki hægt að rölta um á venjulegum tíma dags utandyra í búðarrápi (fór reyndar í eitthvað gullhverfi 2005 en þar voru bara skartgripabúðir). Á kvöldin lifnaði borgin við, göturnar fylltust af fólki í göngutúrum eða að leika við börnin við ströndina í myrkrinu. Qatar er víst afslappaðasta múslimaríkið á þessum slóðum og þótt þú labbir úti karlmannslaus er það enginn heimsendir. Ég sá öll tilvik á götunum: mann með konuna og þau bæði hulin, huldar konur saman að versla án karlmanns og konur í venjulegum fötum. En ég tók líka eftir því að þegar ég labbaði í hnéstuttu gallabuxunum mínum framhjá karlmönnum var gjörsamlega starað á fótleggina á mér.
Margar af "huldukonunum" voru rosa gellur þótt það sæist í ekkert nema augun eða rétt í andlitið. Kuflarnir með allskonar skrauti og flestar með rosalega flottar handtöskur frá dýrum merkjum. Skórnir einnig glæsilegir og svo eru þær einnig mjög mikið málaðar.

Ég tók ekki mikið af myndum því mér fannst nú ekkert mjög aðlaðandi myndefni í verslunarkjarnanum. Á eitthvað frá hótelinu og þetta sem ég tók hér að neðan. Set samantekt frá maímyndum seinna inn á thorey.net

Fyrsta mót búið

2008-05-09T19:21:00.002Z

Þetta gekk bara skal ég segja ykkur vel!!! Mitt besta tæknilega séð fyrsta mót ever! Hæðin var þó ekki nema 4,20 en ráin var sett síðan beint í 4,40 og ég var svo óheppin að fara ekki yfir 2x. Þetta rann allt í gegn og tæknin var bara virkilega góð :) Hægri hásinin var alveg frábær en sú vinstri því miður mjög slæm. Ég verð líklega að drífa mig í fleiri sprautur þegar ég kem heim til Leverkusen.

Við förum beint heim i kvöld eða réttara sagt leggjum við af stað eftir hálftíma. 6 tíma næturflug til Frankfurt og svo 2 tímar í bíl! Úff hvað ég verð dauð þegar ég kem heim. Kem með ferðablogg fljótlega.

2008-05-08T18:46:00.001Z

Og med Henna

2008-05-08T17:07:00.001Z

Gala kvöld

2008-05-08T17:04:00.001Z

Og allir i buningum..

Hotelid

2008-05-08T09:06:00.001Z

2008-05-08T09:02:00.001Z

2008-05-08T08:18:00.001Z

Hvað er það skemmtilegasta sem þú gerir?

2008-05-06T07:37:00.003Z

Fyrir utan að knúsa börnin þín og maka..??

Mér finnst skemmtilegast að standa aftast á atrennubrautinni, möndla stöngina, fara yfir stökkið í huganum, hlaupa af stað, finna rythmann, finna mig sterka, finna mig háa og svo hvernig ég næ að auka inn í plantið, þegar ég planta beint fram fyrir mig, negli inn í stöngina og tekst á loft, finna svo hvernig ég næ að detta afturábak og fara yfir ránna. Þessa tilfinningu fékk ég í fyrsta sinn í gær á fullu atrennunni. Nema það litla smáatriði að fara yfir ránna... Semsagt skemmtilegasta æfingin hingað til og ég var loksins að stökkva stangarstökk (en ekki hanga og slettast á stöng stökk). Var þó ekki í göddum því ég vildi spara lappirnar aðeins fyrir keppnina. Ég er nú samt frekar eftir mig í dag en á nudd á kvöld svo þetta verður allt í lagi.

Brottför í fyrramálið svo ég bara æfi og pakka í dag ásamt því að taka aðeins til því mamma og pabbi koma svo á mánudaginn!! Jeij!!

Annars ætla ég að láta ykkur vita af mjög ódýrum miðum hjá Germanwings en þeir fljúga beint frá Keflavík til Kölnar fyrir 17.000kr!! Byrjar í júní og endar um miðjan september.

Helgin

2008-05-04T16:58:00.003Z

Ég stökk á föstudaginn í gaddaskóm á æfingu í fyrsta sinn í mjööög langan tíma. Man ekki hvort ég stökk nokkuð í fyrra á æfingu í göddum, held hreinlega ekki. Semsagt stökk held ég síðast árið 2005 í göddum á æfingu!!! Það var satt að segja skrítið að vera í göddum en þægilegt. Fann reyndar svolítið til en verkurinn var réttu megin við línuna. Hljóp fínt og var öruggari í atrennunni en gerði samt ekki mikið á stönginni. Það kemur, erfitt að ná öllu í einu svo þetta var skref í rétta átt. Stekk á morgun aftur en verð líklega bara á flötum. Verð aðeins að spara mig.

Búin að vera að taka myndir fyrir ljósmyndanámið um helgina en ég hætti reyndar við að kaupa þessi stúdioljós. Bara dýrt! Redda þessu bara með ikea ljósum í þetta skiptið enda ekki ætlast til að við komum okkur upp pro græjum í þessum kúrsi. Ásamt studio myndum er eitt verkefni núna að taka hreyfðar myndir. Þ.e með hreyfðan bakgrunn en skarpan hlut/persónu í forgrunni og öfugt. Set hérna myndir frá helginni til gamans inn,. Hefði viljað hafa verkefnis myndirnar betri en ég er bara að byrja, mun reyna aftur. Þetta er erfiðara en að segja það. Er nú langt í frá orðin almennilegur ljósmyndari en hef lært mjög mikið enn sem komið er.

Einnig kíktum við Angi í dag á maraþon hlaup í Düsseldorf í dag og þar vann liðsfélagi okkar kvennaflokkinn og komst í Ólympíuliðið. Samglöddumst henni mjög. Nutum síðan veðursins með kaffi og vöfflu og fleiru góðgæti. Það er spáð sól og hita hérna eins langt og spáin nær!!

Styttist í mót

2008-05-01T16:30:00.003Z

Það er orðið klárt að ég flýg til Doha á miðvikudaginn og keppi þar á föstudaginn. Eins og ég segi fer ég þangað engan vegin tilbúin en maður verður víst að byrja einhvern tímann að keppa. Ég hef svosum sjaldan verið tilbúin fyrir fyrsta mót. Einu sinni var ég aldrei búin að stökkva á fullri atrennu og gerði það fyrst í keppninni.. góður undirbúiningur það..

Vikan er voðalega róleg hjá mér núna og ég býð bara eftir næstu stökkæfingu sem er jú á morgun. Kíkti í Nachos á Havana með Angi um daginn bara til að komast aðeins útúr húsi og fara þá annað en á æfingu.

Hér er að sjálfsögðu mikið talað um sorglega fjölskylduatburðinn í Austurríki. Í öllum spjallþáttum er rætt við lækna, sálfræðinga eða fyrrverandi fórnarlömb slíkra atvika. Ein kona sem pabbi hennar og afi er sami maðurinn sagði að fleiri en karlinn gætu ekki annað en að hafa vitað þetta. Það er einnig mikið spurt hvernig nágrannar gætu ekki hafað tekið eftir neinu eða lögreglan hafi ekki reynt að hafa uppá Elisabeth eftir að hafa átt að hafa skilið 3 börn fyrir framan dyragættina. Hugsið ykkur að eina ástæðan, og þvílíkt lán í óláni, fyrir að þetta uppgötvaðist var að 19 ára stelpan varð lífshættulega veik og læknarnir gátu ekki fundið hvað var að henni. Þá þurfti að finna móðurina til að geta komist betur að niðurstöðu um hvað amaði að. Læknarnir auglýstu eftir henni í sjónvarpinu. Hryllilegt mál í alla staði og manni verður hálf flökurt að lesa eða horfa á fréttir um þetta.

2. stökkæfing á 16 skrefum

2008-04-28T14:40:00.002Z

Já skellti mér í fulla atrennu í dag en þó á flötum. Ætla nú ekki alveg að fara yfir um þótt ég sé mun betri í fótunum..
Gekk svona lala. Þetta var bara mjög týpísk önnur æfing þ.s atrennan er óörugg, stundum of nálægt og stundum of langt frá. Fýla mig þó vel og sterka sem er svosum ekki venjulegt fyrir aðra æfingu. Þannig að þetta var ekkert svo slæmt. Fór síðan í nudd á nýju vöðvahópana sem eiga að vera nuddaðir frá tilskipun læknisins og vá hvað ég var stíf þar! Var mjög ánægð að finna það því þá er eitthvað til að vinna í til að gera mig enn betri í skrokknum.

Er síðan bara búin að vera að skipuleggja mót og flug ofl í þeim dúr í dag. Er líklega komin á 2 mót hér í Þýskalandi sem Silke keppir á líka og þar af leiðandi verður Leszek þar einnig. Verð að reyna að elta þau sem mest.

Einnig er ég að reyna að sjóða saman dóti i heima ljósmyndastúdíó á netinu. Það er ekki hægt að kaupa tilbúinn pakka eins og heima svo ég verð að hafa mikið (allavega eitthvað) vit til að geta pantað þetta. Svo vitið þið bara að ég mun jú eiga þetta alla æfi og ef ykkur vantar myndatöku þá verður hægt að hóa í mig :)

Læknir dagur 5 - lokadagur!

2008-04-26T08:37:00.002Z

Síðasti dagurinn rann loks upp og gengu sprauturnar vel. Honum líst mun betur strax á hásinarnar og er ég einnig mun betri í bakinu. Svo tók læknirinn það fram að ég verði aldrei aftur ein... að ég muni fá tíma hjá honum hvenær sem ég þarf og vil. Hann verði alltaf til staðar til að hjálpa mér. Mætti halda að hann hafi lesið bloggið mitt :)

Ég verð að segja ykkur frá einu skondnu sem henti mig á fimmtudagskvöldið á leiðinni "heim" í U-lestinni. Ég sest og bíð eftir að mín lest komi en þá tylla sér tveir menn við hliðina á mér og fara að spjalla. Spurja mig hvaðan ég er og hvað ég sé að gera í Munchen. Lestin kom og þeir fara með. Einn var einu sinni mánuð á hálendi Íslands í tjaldi og hreifst af landinu (auðvitað). Svo kemur mitt stopp og þeir fara líka út þá. Fannst það nú einum of mikil tilviljun og þá viðurkenndu þeir að lestin hafi farið framhjá þeirra stoppistöð. Þeir hafi séð mig bíða eftir lestinni og URÐU bara að kynnast mér. Hrósuðu mér þvílíkt og buðu mér svo í drykk á einhverri knæpunni. Ég í íþróttagalla, með mjög þungan bakpoka og 2 verslunarpoka (já verslaði eftir að ég kvaddi ykkur síðast...) og alveg til í tuskið. NOT!!! (a la Borat) Þakkaði auðvitað bara pent fyrir mig og hjólaði í burtu.

Ég hef sjaldan verið jafn fegin að koma heim eins og í gær. Í Munchen var ég á ferðinni frá 8 eða 9 á morgnanna til 8 eða 9 á kvöldin. Svaf frekar illa allan tímann og fékk um 40 - 50 sprautur. Var því orðin vel þreytt í gær þegar ég kom heim eftir 6 tíma i lest. Fór bara beint upp í rúm og steinrotaðist. Ah eigið rúm er alltaf besti staðurinn!

Mér sýnist þetta allt hafa verið ómaksins og peninganna virði. Allavega get ég gengið um gólf án þess að líta út eins og níræð :)

2008-04-25T12:07:00.001Z

2008-04-24T14:38:00.001Z

Læknir dagur 4

2008-04-24T14:11:00.003Z

GLEÐILEGT SUMAR

Á æfingu í morgun hljóp ég 6 hraðaaukningar nánast verkjalaus! Oh ef þetta heldur svona áfram verður aftur gaman að æfa og keppa :) Hlakka svo til að geta æft á pyntinga...

Læknirinn var bara hress að venju. Eins og það er nú mikið að gera þá nær hann að halda ró sinni og gefur sér tíma fyrir alla. Enda langur biðtími en þess virði fyrir góða meðferð. Hann sprautaði aftur í kálfana og á morgun sprautar hann síðustu sprautunum í sinarnar og bakið. Fékk einnig vítamín high :)

Læknirinn er 65 ára gamall en lítur út fyrir að vera í mesta lagi 55 ára. Hann var nú held ég bara kominn á trúnó í dag þegar hann fór að tjá sig um hvað hann hefur verið heppinn í lífinu að starfa við það sem honum finnst skemmitlegast. Að hjálpa íþróttafólki og hitta íþróttafólk allsstaðar að úr heiminum. Stundum bíður hann til veislu fyrir sjúklingana sína og einu sinni voru íþróttamenn hjá honum frá 15 mismunandi þjóðernum. Svo líkar honum best við frjálsíþróttafólk því það heldur sér á jörðinni á meðan flestir fótboltamenn eru mjög hrokafullir. "Það eru peningarnir", segir hann. Og já ég er sammála honum.

Svo kjaftaði hann því í mig að ameríska stelpan í stönginni, Jennifer Stuczynky, hafi verið hjá honum. Við stangarstökkvarar þjáumst víst flest af því sama (af þeim sem þjást af einhverju) en ég veit að Anna Rogowska og Tim Lobinger voru einnig með þetta sama. Svo bætti hann við "Alveg róleg, þú verður eins og ný!"

Með þessum orðum fór ég sátt útí ösina í miðbæ Munchenar. Ég er búin að eyða um 35 stundum hér í miðbænum og þekki mig orðið því nokkuð vel. Hvar hvaða kaffihús er eða hvaða búð. Hef rölt inn og út um gluggann en ekki keypt einn einasta hlut. Er bara ekki í neinu verslunarstuði... En ekki sést til sólar í dag eins og spáð var heldur er hér enn einn rigningardagurinn.

En jæja, kveð hér Starbucks í bili og skelli mér í nokkra röntgengeisla.

Læknir dagur 3

2008-04-23T16:59:00.002Z

Jæja svaf þvílíkt vel í nótt enda rotuð eftir daginn. Byrjaði daginn í dag með æfingu kl 8:30. Mjög hressandi að komast aðeins á æfingu og ég skokkaði meira að segja nokkra hringi nánast verkjalaus í sinunum. Stíf þó í kálfunum eftir sprauturnar en það er alveg eðlilegt. Gat svo lyft án nokkurra fótavandamála :) Af æfingu fór ég í þessa Diagnostik klinik og lét taka mynd af bakinu á mér. Ég er nú hvorki meira né minna með 2 brjósklos! Ekki samt fá sjokk því hvorugt tilfellið er slæmt en þó nóg til að pirra mig. Hann segist geta lagað eitthvað með sprautum og fékk ég slatta af þeim í dag. Ég tek aftur fram að hann notar BARA náttúruleg efni, notar ALDREI Cortison og er harðlega á móti því. Ég fæ Actovegin (sem er kálfablóð - mínus rauðblóðkorn ofl), Traumell (sem er maurasýra) og Diskuskomposer sem er eitthvað efni sem þurrkar upp eitthvað og bla bla man ekki alveg. Allavega hljómaði þetta allt mjög traustvekjandi. Einnig fékk ég minn skammt í sinarnar. Ég vildi svo óska að íslensku læknarnar færu að opna augun fyrir öðru en Cortisoni. Heima er það eina efnið sem er sprautað.
Einnig fékk ég svo öll vítamínin í æð.
Síðast á læknadagsskránni var það röntgengeislameðferðin og svo skellti ég mér í smá dekur á naglastofu og snyrtistofu... :)

Sit núna á Starbucks en Katha, stelpan sem ég gisti hjá, er ekki með nógu gott net. Dettur sjálf alltaf offline og ég kemst ekki online í tölvunni minni. Eyði því mörgum tímum á kaffihúsi þessa dagana. Finnst það ekki leiðinlegt.

Veðrið hér í Munchen hefur ekki verið neitt spes. Skýjað og gengið á með rigningu en á morgun líta bjartari dagar við með sól og um 15-16 stiga hita :)

Laeknir dagur 2

2008-04-22T18:01:00.002Z

Eg gisti herna i Munchen hja stelpu sem aefdi einu sinni i Levekusen nema hvad hun er bara med eitt rum. Eg sef thar med uppi hja henni.. Eg er nu ekki alveg ad fyla thad og svaf nanast ekkert i nott. En ju, loksins kom dagur og eg byrjadi a ad fara i röntgen geislamedferd. Tha er beindur röntgengeisli a sitthvora sinina i 1,5 min. Thadan for eg svo beint til laeknisins en thad tyddi to ekki thad ad eg vaeri ad fara ad komast ad eitthvad bradlega. 12.20 var timinn minn og eg komst ad kl 17.20! Fekk fullt ad sprautum i kalfana en hann segir mig med kroniskan stifleika i utanverdum stora kalfavodvanum (man ekki hvad hann heitir...). Thad er eitthvad sem kemur vegna thess sem er ad i bakinu og veldur sidan hasinaverknum. Fer i fyrramalid i segulomun a stofu sem serhaefir sig i ad diagnosta (algjörlega stolid ur mer retta ordid) sjuklinga. Verdur ahugavert ad heyra hvad their segja um bakid sem hefur verid ad hrja mig i ein 17ar.

Jaeja aetla ad taka thvi rolega herna i kvold og vona ad eg sofi eitthvad i nott.

A tysku delikatess husi

2008-04-22T12:17:00.001Z

Lèt to schnitzelid eiga sig en hlakka til eplakökunnar med vanillusosunni..

Úff hvar á ég að byrja...

2008-04-21T19:26:00.004Z

Jú ég fór til Munchen í dag. Lagði af stað kl 09 og var komin í miðbæ Munchenar um kl 14. Bögglaðist þá með töskuna af lestarstöðinni og til læknisins. Þar var mér tilkynnt að biðtíminn væri það mikill að ég ætti bara að fara aftur og koma kl 16:30. Ég gerði það og þá hófst þvílíka biðin. Fékk þó röntgen á baki (já bakið!) og ómskoðun á sinarnar frá aðstoðarfólki læknisins. Kl um 19:45 er loksins komið af mér og það lá við að ég væri með upplitunarhjartslátt. Á meðan ég beið heyrði ég nefninlega alltaf símann hringja og einu sinni var það sjálfur Frans Beckenbauer sem var á línunni. Þetta er semsagt læknir Bayern Munchen fótboltaliðsins.
Allavega, læknirinn beit ekki og mér leist bara nokkuð vel á hann við fyrstu sýn. Virðist ekki bara vera frægur af því hann var heppinn heldur frægur því hann er góður. Hann skoðaði mig alla og vel alla vöðva í fótunum á mér. Fannst ég stíf á stöðum sem sjúkraþjálfarar hafa ekki látið sér dreyma um að nudda og vill láta taka segulómunarmynd af bakinu. Hann heldur að þaðan má þetta vesen allt rekja. Ég fékk síðan sprautur í sitthvora sinina og um 12-13 sprautur í bakið. Þá tók við vítamínsprautun en ég fékk zink, c vítamín, b12 vítamín og magnesíum. Eins skrítnasta tilfinning sem ég hef upplifað þegar magnesíuminu var sprautað í mig. Hjúkkan tilkynnti mér það að mér mundi hitna í líkamanum við hana og ég bara já já ekkert mál. En þá kom kikkið! Ég gjörsamlega LOGAÐI! Og það í ÖLLUM líkamanum. Ég hreinlega hélt að ég hefði pissað á mig vegna hitans í klofinu... Við sprungum svo úr hlátri þegar ég þurfti að tékka á því. En auðvitað var það nú ekki. Mjög furðuleg upplifun. Eftir þetta alltsaman fékk ég svo bindi utan um sinarnar með tjöru smyrsli í. Já tjöru eða malbiki. Ammoniumeitthvaðsulfat hét það allavega. Á að virka mjög bólgueyðandi.

Semsagt niðurstaða læknisins var:
Hullan um sinarnar mjög þröng og því nær sinin ekki að fljóta þar eins og hún á að gera. Einnig voru staðbundnar bólgur í þeirri vinstri og sú hægri var í verri bólgufasa en sú vinstri. Aðeins þykk. Bakið vill hann skoða betur eins og ég sagði og verður það gert við fyrsta tækifæri. Einnig fæ ég á morgun röntgengeislun beint á sinarnar. (Hef heyrt að konur eigi ekki að fara i þessa meðferð vegna hættu á að líkur á barnseignum minnki en hjúkkurnar þarna sögðust passa vel upp á að geislarnir fari ekkert annað en þangað sem þeir eiga að fara.) Einnig á ég að hitta lækninn á hverjum degi sem ég er hérna.

Með honum vinnur sjúkraþjálfari og kíróprakter. Finnst ég loksins komin á stað sem líkaminn er meðhöndlaður frá öllum áttum og sjónarhornum. Allsstaðar hefur verið einblínt á sinarnar en ekki horft á líkamann sem heild.

2008-04-21T13:44:00.001Z

1. æfing á 16 skrefum

2008-04-19T12:32:00.003Z

Ég stökk í fyrsta sinn í 8 mánuði á fullri atrennu í dag. Var reyndar bara í flötu skónum, eins og vanalega, en gekk það samt bara fínt. Fyrsta æfingin er alltaf eitthvað sem þarf að sigrast á því manni finnst atrennan endalaust löng (...35m...). Maður þarf að þora að skella stönginni í stokkinn. Ég var bara á mjúkri stöng og með gúmmisnúru fyrir rá. Það er mikill léttir skal ég segja ykkur að vera búin að ljúka þessu skrefi af.

Ég fékk smá boost í morgun þegar ég opnaði pósthólfið mitt og sá að ég var komin inn á Super Grand Prix mót í Doha þann 9.maí. Vésteinn, umboðsmaður minn, sendi mér tilkynninguna og ég varð auðvitað hoppandi kát yfir að vera komin inn á alvöru mót á ný. Nú verð ég bara að spíta í lófana, bíta á jaxlinn og stökkva síðan vel þarna til að koma mér í gang fyrir sumarið. Einnig verður þessi Dr. Müller Wohlfart, margumtalaði, að lækna mig!

Þvílíkur léttir yfir mér allri í dag. Ég held ég taki meira að segja bara til :) Ef ég er döpur þá er drasl hjá mér og ef ég er kát þá er hreint... Óreiðan inní mér sést semsagt alltaf utan á mér.

Nýr dagur, ný byrjun

2008-04-18T07:29:00.002Z

Ég er vel fegin að dagurinn í gær er liðinn. Það hreinlega sprakk á dekkinu og varadekkinu á sama tíma. Fannst ég bara allt í einu svo ein að ströggla með þessar hásinar og einnig svekkt að vera heilbrigð manneskja að berjast fyrir heilsunni.. Finnst það hálf tinlgangslaust og það fer mikil orka í það. Hvað þá þegar þetta er ár eftir ár. Ég vil helst eiga þessa orku í baráttu seinna meir á lífsleiðinni ef eitthvað virkilega bjátar á þá. En jú ælti ég haldi ekki bara áfram að taka einn dag fyrir í einu og hugsa "á morgun verð ég betri". Dríf mig svo til læknisins í Munchen á mánudaginn og vona það besta. Allavega er hann mjög dýr, meðferðin verður um 150.000kr, svo hann hlýtur að geta eitthvað.

Önnur ástæða fyrir þessu öllu saman hjá mér núna er að í æfingabúðunum var jú auðvelt að geta gleymt raunveruleikanum með fullt af fólki í kringum sig og með Gumma hjá mér en núna er ég ein allar stundir með hugsunum mínum svo það er auðveldara að verða dapur. Talandi um æfingabúðirnar þá get ég sagt ykkur týpíska aukahlutasögu af mér. Það fer sjúkraþjálfari með hópnum sem er borgaður af liðinu mínu. Nema, ég fæ tvær meðferðir á tveimur vikum. Hann sagði annars alltaf við mig að þessi og hinn væri meiddur og þyrfti meðferð og hann hefði ekki tíma fyrir mig. Og ég sem varla gat skokkað! Varð bara pirruð og mjög þreytt á að geta ekki verið metin jafn mikilvæg og hinir.

En jæja nóg af klagi og væli :)

Í dag er það lyftingar á efri líkama og fimleikaþrek svo er það stökkæfing á morgun. Læt ykkur vita hvernig það fer.

Eigið góðan dag og takk aftur fyrir kommentin hér að neðan.

Fótanudd

2008-04-17T07:12:00.005Z

Ég keyrði á þriðjudagskvöldið í 2 tíma til foreldra Richi og Silke Spiegelburg og gisti þar um nóttina. Ég ákvað að fara kvöldið áður því tíminn hjá fótanuddaranum var kl 09 og að keyra á hraðbrautum Þýskalands í gegnum iðnaðarborgirnar gengur engan veginn á þessum tíma dags. Fótanuddarinn var fínn, hann allavega sagði eitthvað nýtt. Hann segir þetta allt koma úr bakinu. Nuddaði punkta í fætinum sem tengjast bakinu og vá hvað það var vont! Var um 25 min hjá honum og keyrði svo aftur heim í 2 tíma.

Næst á furðulegu dagsskránni er það læknisheimsókn til München (600km í burtu frá Leverkusen!) og ég verð þar alla vikuna. Læknirinn vill hitta mig líklega 3x og ég gisti hjá einni stelpu sem æfði einu sinni hérna í Leverkusen.

Og ég segi bara, úff hvað maður leggur á sig fyrir þessar fætur. Satt að segja efast ég stundum um hvort þetta sé þess virði, hvort ég ætti ekki bara að pakka saman og gleyma þessu öllu saman. Svo skil ég í rauninni ekki að ég skuli ekki bara vera búin að því. Hvað heldur mér gangandi?
Jú í fyrsta lagi trúin á sjálfa mig og sú vitund að ég get stokkið hærra en nokkru sinni. Í öðru lagi hugsunin um hvað það er gaman að vera heil og keppa og brosa af gleði yfir árangri. Í þriðja lagi þrjóskan. Ég hef hugsað síðan ég var í fimleikum að ég myndi aldrei hætta vegna meiðsla heldur af sjálfsdáðum.

Mig langar samt mikið til að gefa þrjóskuna eftir akkúrat núna.

Ég hef talið mér það að blogga ekki þegar ég er neikvæð en jú dagarnir eru auðvitað upp og niður hjá mér eins og mörgum öðrum í þessum heimi. Skapið mitt fer eftir verkjum í líkamanum. Ef ég er mjúk og hásinarnar betri er stutt í brosið en þá daga sem þær eru verri langar mig helst ekkert fram úr rúminu. Vinnan mín er jú líkaminn og þegar hann fer ekki í gang er lítið hægt að gera. Ég hef reyndar verið betri síðustu daga og er því ástandið allt með betra móti. Ég ætla samt að gefa ykkur smá innsýn inní hvernig þetta er allt hérna hjá mér í Leverkusen.

Ég bý ein (af eigin ósk) og æfi að lang mestu ein. Ég geri mitt eigið prógramm því ég get ekki fylgt prógrammi frá þjálfaranum vegna meiðslanna. Ég er súkkulaðikleina hérna af því að ég er ekki þýsk. Ég er því alltaf neðst í goggunarröðinni sem þýðir einfaldlega það að ég skipti hérna engan máli. Ég valdi sjálf að flytja hingað og æfa og tel ég það hafa verið rétta ákvörðun. Aðstaðan er meiriháttar og Leszek hentar mér einfaldlega vel sem tækniþjálfari. Héðan er líka auðvelt að fara á mót þ.e þegar ástandið er það gott að ég geti keppt.

Það sem ég er að reyna að koma að með þessum orðum er að mig vantar móralskan stuðning að heiman. Hvar er fólkið sem á að peppa mann upp? Hverjir flokkast undir þann hóp? Ég spyr því ég satt að segja veit ekki svarið. Ég er í einstaklingsíþróttagrein og þýðir það að peppið eigi að koma bara frá fjölskyldu og nokkrum góðum vinum (takk þið góða fólk)? Það vantar svo þetta mannlega inní þetta allt. Það að fá klapp á bakið þegar illa gengur er alveg jafn nauðsynlegt (eða mikilvægara!) og þegar vel gengur.

En jæja, það var kannski bara kominn tími til að ég kvarti aðeins.

Kúvending á degi!

2008-04-14T14:50:00.003Z

Þegar ég vaknaði í morgun var ég að fara að láta taka úr mér tvo endajaxla og láta gera við eina skemmda tönn.
Ég átti fyrst skoðunartíma hjá endajaxlasérfræðingnum. Hann sagði mér að jaxlarnir í efri gómi litu vel út (lét taka úr neðri gómi í fyrra) og þeir gætu ekki verið að valda neinum verkjum í hásinunum eins og sjúkraþjálfari hérna er að halda fram. Niðurstaðan var samt sú að taka þá bara til að vera viss og til að vera laus við þá en þó seinna í dag, eftir að væri búið að gera við eina tönn. Ok ég fer til venjulega tannlæknisins, hann lítur uppí mig og segir bara að það sé engin skemmd tönn þarna og ég væri með alveg þvílíkt flottar tennur. Spurði mig svo við hvað ég væri að vinna. Ég sagðist bara vera íþróttakona. Hann kinkar kolli og segist sjá það á tönnunum. Það sést víst á tönnunum við hvað fólk vinnur því það borðar eftir því (smá mont..). En jæja, Þá bættist þriðji tannlæknirinn við og við ræddum endajaxlana enn á ný. Sá sagði mér að láta alls ekki taka þá, allt liti mjög vel út og þetta svæði væri akupunktur punktur og ætti því ekki hreyfa við einhverju af óþarfa. Svo kíkti þessi tiltekni tannlæknir á lappalengdina á mér og sagði aðra vera lengri (sem er jú rétt). Þá tók hann sig til og beygði mig og teygði, mældi svo aftur og þá voru þeir jafnir... Svo kenndi hann mér æfingar til að halda þeim jafn löngum. Og já ég er enn að tala um tannlækninn!
Niðurstaðan varð semsagt, engin skemmd tönn, ég fæ að halda endajöxlunum og slepp við óþarfa verki og eymsli í munninum (var reyndar búin að undirbúa mig með alveg þvílkri eplapönnuköku með kanil og sykri í hádeginu í dag..).

Dagurinn semsagt búinn að vera allur hinn besti og í þokkabót eru sinarnar mun skárri í dag. Svo furðulegt hvernig þetta virkar. Stundum alveg að kálast og stundum í lagi. Næst á furðulegu dagskránni er fótanuddsérfræðingur (2 tímar að keyra aðra leið!) sem nuddar iljarnar til að tékka hvort eitthvað sé í ólagi í líkamanum. Sá hinn sami bjargaði einum manni frá dauða einu sinni. Þessi maður var með sýkingu í líkamanum en læknarnir fundu ekki hvaðan hún kom. Hann átti bara nokkra daga eftir ólifaða þegar hann fer til nuddarans og hann finnur að það er eitthvað í ólagí í munninum. Maðurinn fer til tannlæknis og þá finnst tönn í ólagi og þegar þeir fjarlægðu hana lá við að liði yfir fólkið þarna af stybbu og ógeði sem vall uppúr holunni. Manninum var bjargað.

Jæja ætla að fara að taka til og halda uppá munninn minn með einhverju gómsætu :)

RSA

2008-04-11T22:03:00.005Z

Af thorey.net:

Þá er þessi æfingabúðatörn á enda og þótt það sé gott að vera í sólinni þá er líka alltaf gott að koma "heim".Æfingabúðatörnin byjaði á Tenerife. Þar var ég með Gumma og Fjörmenningum i 10 daga. Síðan fórum við Gummi með mínum hóp héðan frá Leverkusen til Suður Afríku í 2 vikur. Fyrri vikan var sól og steikjandi hiti uppá hvern einasta dag, þá rigndi einn dag og svo var sól og miðlungs steik afganginn af tímanum.

Æfingar gengu alveg ágætlega. Ég reyndi að spara lappirnar aðeins fyrri vikuna í hlaupum en þ.s það virtist ekki vera að virka fór ég að negla á það og stökk jafnvel tvisvar sinnum. Það er einmitt það ótrúlega með þetta hásinavandamál mitt að þótt ég hvíli stöngina í 2 mánuði er nánast eins og ég taki hana upp aftur þar sem frá var horfið. Þar held ég að lyftingarnar (tók 75kg 3x í klíni frá gólfi og frá hnjám, einnig 50kg 2x í snörun sem er allt PB. Fer að maxa núna og fækka þá endurtekningunum) skipti miklu máli. Ég hef lyft mikið og styrkst og er styrkur lykillinn hjá mér til að geta hlaupið. Ég er einhvern veginn þannig gerð að ef ég missi úr smá lyftingar eru lappirnar orðnar að ekki neinu og þær gutlast þá útum allt í hlaupinu. En ég finn mig sterka í atrennunni núna þrátt fyrir engin hlaup allan þennan tíma. Planið er semsagt núna að æfa á þetta og leita að fleiri lausnum meðfram því. Kannt þú kannski hókus pókus?

Ég reyndi að nýta sundlaugina (líklega bara kalt vatn notað - fólk er að synda í blautbúningum!) eitthvað og gekk það vel í hitanum fyrri vikuna. Kaldasta daginn, en þá voru bara 20°, hélt ég að ég væri orðinn svo mikill jaxl að ég gæti alveg synt þá líka. Synti jú 1000m skrið án þess að stoppa en kólnaði með hverri ferð. Þegar ég kláraði var ég komin með hroðalegan kuldahausverk og illt í eyrun. Ekki lagaðist það þegar ég fór uppúr því þá tók við skjálfti í klukkutíma með miðstöðina í botni í bílnum. Ég hlýt að hafa ofkælst, ég sver allavega að mér hefur aldrei orðið jafn kalt á æfinni. Ég lét þetta gott heita af sundferðum.

Tíminn sem við áttum utan æfinga var nýttur í botn. Hann fór í góða leti, hrikalega góðan mat (besta sushi í heimi finnst hér) og einu sinni fórum við Gummi útfyrir hinn heðbundna veg (keyra frá hóteli - kaupa í matinn - æfing) og fórum að Waterfront þ.s við hlustuðum á tónlist en útum allt voru tónlistarmenn með allskonar hljóðfæri eða sína eigin rödd og danskúnstir. Við enduðum á jazzbar sem var með ágætu live bandi en ekkert meira en það. Við vorum nú bara fegin að skríða aftur undir sæng eftir afrakstur dagsins.

Ferðin var í heild frábær þótt hásinaruglið hafi skyggt töluvert á. Þetta var mín fimmta Suður Afríku ferð og mjög líklega sú síðasta. Ég væri nú reyndar alveg til í að fjárfesta í eitt stykki húsi þarna og búa þarna part úr ári. Stellenbosch og umhverfið þar í kring er einfaldlega einn af fallegustu stöðum sem ég hef komið á.

Ég tók í þetta skiptið ekki mikið af myndum. Ég fékk myndirnar hans Leszeks og jú svo tók ég eitthvað líka sjálf. Þið getið skoðað þær hér.

Styttist í heimferð og blogg

2008-04-09T13:05:00.002Z

Bara rétt að láta vita af mér svo þið gleymið mér ekki..
Tíminn hér í Suður Afríku er á enda og bara ein æfing eftir. Stökk í morgun á 12 skrefum og gekk það bara fínt, stefni á að fara helst næst í 16 skrefin og venja mig á að stökkva bara á þeim. Sinarnar eru vægast sagt slæmar en með því að bíta á jaxlinn kemst ég í gegnum æfingarnar. Kem með myndir og ferðasögu vonandi á föstudaginn en allan morgundaginn verðum við á ferðalagi. Vöknum kl 03 förum í loftið kl 06 og lendum í Düsseldorf kl 20! Úff..
Hef ekkert bloggað hér þ.s við erum ekki með net á hótelinu og það er of orkufrekt að vera að leita að neti þegar maður vill helst liggja í afslöppun uppí rúmi á milli æfinga.

2008-04-07T09:22:00.001Z

2008-03-29T15:53:00.001Z

Utsynid ur glugganum minum

2008-03-25T16:31:00.001Z

Ja tad snjoar tvilikt!

Tenerife

2008-03-25T14:25:00.003Z

10 dagar á Tenerife (fyrir norð austan í Toscal Longuera) liðu mjög hratt. Veðrið var alveg ágætt en þó stundum aðeins of kalt fyrir kuldaskræfu eins og mig. Sólin hefði mátt skýna meira en náði þó aðeins að sleikja okkur. Það var sama lappavesen á mér eins og vanalega og reyndi ég því að gera gott úr ferðinni með því að nýta hana í hvíld og endurhæfingu fyrir suður afríku æfingabúðirnar. Ég leigði mér því bíl í 4 daga og skoðaði mig aðeins um. Við Gummi fórum upp á Pico de Teide, ég keyrði svo nánast hringinn i kringum eyjuna og stoppaði í Santa Cruz og á Playe de les Americas þar sem túristaparadísin er. Síðasta bílaleigudaginn fórum við í "menningarferð" til Garachico og prófuðum ýmis kaffihús þar. Um kvöldið var svo farið í steik með Sigga og Sólveigu niðrí Puerto de la Cruz og vildi ég vera "on the save side" og leggja í bílastæðahúsi. Þegar við ætluðum að keyra heim var bílastæðahúsið bara lok lok og læs en því lokaði kl 21:15! Sem mér finnst nú fáránlega snemmt. En ok, taxi tekinn heim en vandamálið var að ég átti að skila bílnum fyrir kl 08 daginn eftir. Húsið opnaði þó ekki fyrr en kl 09 og þar sem bílaleigan var þýsk sat ég þokkalega í súpunni. Gellan kom alveg brjáluð daginn eftir og vildi að ég sýndi sér nákvæmlega hvar bílastæðahúsið væri. Kl var 08 og ég ný risin úr rekkju, linsulaus og morgunandfúl. En jú ég fór með henni og eftir smá rúnt og skammir af hennar hálfu (þjóðverjar eru voða duglegir að skamma mann eins og maður sé 9 ára) fundum við húsið og allri gátu farið sælir heim.

Siggi var duglegur að stinga í mig nálum og náði hann hásininni á ágætt skrið. Bólgan minnkaði en við minnsta álag á ný virtist hún versna. Ég gat þó lyft vel og haldið mér ágætlega við í hinum ýmsu æfingum. Kastaði líka spjóti, kringlu og kúlu og naut þess að vera á vellinum með hinum Íslendingunum.

Við Gummi flugum á Páskadag aftur til Þýskalands og höfum við haft núna 2 daga til að slaka á og þvo þvott. Á morgun fljúgum við svo til Suður Afríku þar sem ég verð heil og æfi vel.

Myndir inn á thorey.net

A leid til Leverkusen

2008-03-23T10:05:00.001Z

Ta eru aefingabudir 1 a enda og tökum vid smá stopp i tyskalandi nuna.

China dinner

2008-03-21T21:26:00.000Z

Life is beautiful

2008-03-19T11:37:00.001Z

Godar fréttir, ég er miklu betri i sininni! Verd fljotlega haett i turistaleik. Fae nálar og nudd hja Sigga og tad er tvilikt ad virka. Njotid dagsins!

Netleysi

2008-03-18T09:43:00.002Z

Ég kemst voða lítið á netið hérna og hef því ekkert sett inn hvorki hér né á thorey.net. Það er ekkert net á hótelinu þar sem við erum en ég er núna á einhverju nágranna hóteli sem ég gat smyglað mér á netið á.

Hér er annars mjög gott að vera og fínt veður til æfinga og aðstaðan ágæt. Við fáum 3 máltíðir á dag svo maður léttist allavega ekki hérna (sem er gott). Ég get þó því miður ekki æft eins mikið og ég hefði viljað þ.s það settist einhver skítur í aðra hásinina. Ég tognaði í kálfanum fyrir um mánuði en þegar það lagaðist er eins og bólgan hafi hreiðrað um sig í sininni. Ég verð því bara að gefa þessu nokkra daga og stefna á að vera alveg heil í Suður Afríku og æfa þar meira. Ég tek því túristann bara á þetta og skoða mig aðeins um.

Á sunnudaginn keyrðum við Gummi upp á eldfjallið Teide sem er hæsta fjall spánar, 3710m hátt. Hægt var að komast í 3550m fyrst á bíl og svo með kláfi. Vegna snjós var ekki hægt að fara alla leið upp. Maður fann mikið fyrir þunna loftinu og þreyttist á rölti um útsýnispallinum þarna uppi. Mjög skrítin tilfinning að upplifa það.

En jæja, ætlaði bara aðeins að láta vita af mér. Ég bíð því aðeins með thorey.net og myndirnar og kem með betri ferðasögu þegar ég kemst betur á netið. Ég hef tekið nóg af myndum allavega svo þær munu koma inn.

Bið að heilsa ykkur í bili.
Þórey á Tenerife :)

Adal parid

2008-03-15T21:25:00.001Z

Hr Siggi nuddari og fru

Steikarkvöld..

2008-03-15T21:08:00.001Z

Flott vedur, flott adstada, flottar skvisur

Asics og Össur

2008-03-12T07:23:00.005Z

Þessa fínu skó hér að ofan voru sérstaklega búnir til fyrir mig svo ég geti stokkið með göddum. Skórnir eru svokallaðir racer-ar sem t.d maraþon hlauparar nota. Hjá Össur lét ég svo taka gaddaskóasóla af gömlum gaddaskóm og setja þá undir þessa. Mér finnst þeir alveg þvílíkt flottir og ég er spennt að prófa þá almennilega.

En næst á dagsskrá hjá mér er Tenerife á morgun. Æfingabúðir 1 hefjast á morgun og ég er farin að hlakka mikið til að fara að æfa í hitanum. Ég verð 10 daga á Tenerife, 3 daga í Leverkusen og svo 2 vikur í Suður Afríku. Ég mun nota thorey.net meðan ég er í æfingabúðunum og vera dugleg að setja þar inn myndir. Einnig mun ég verða dugleg að setja fréttir þar inn.

Við Gummi fórum að sjá Blue Man Group síðastliðið laugardagskvöld og fannst okkur þetta bara ágætt, ekket meira en það. Ég bjóst við bara tónlist þ.e allskonar mismunandi slagverkum en ekki tónlist sem er hálfpartinn afsökuð með misheppnuðu gríni og látbragðsleik. Þetta var mjög flott þegar þeir spiluðu en ég hafði hreinlega á tilfinningunni að þeim þætti tónlistin ekki nóg til að skemmta fólkinu og blönduðu því allskonar bulli við sýninguna. Margt af þessu bulli var svosum ádeila á ýmislegt en það var bara ekki að gera sig fyrir mig. Semsagt 2,5 stjörnur af 5.

Ég fór í litun á augabrúnunum í gær og gellan vildi plokka líka (hér er þetta bara gert á hárgreiðslustofu og þú borgar um 500 kall og vanalega plokka ég sjálf heima). Tekur hún fram tvinna, setur víbríng á hann og svo bara eins og með sláttuvél yfir augabrýrnar. Jiminn, þær eru langt í frá að vera líkar eftir þetta og að auki gjörsamlega vantar stykki í miðja aðra augabrúnina. Sexy...

myndir

2008-03-06T18:37:00.002Z

Jæja þá hef ég tekið nokkrar myndir inni í höllinni minni. Ég gleymdi reyndar einu mikilvægu herbergi sem er bara notað fyrir smáæfingar. Þangað kemur kona og tekur fólk í klst í smáæfingaprógramm og notar hún bönd, bolta, jafnvægisbretti ofl. Tek bara mynd á símann minn næst þegar ég hitti hana. Myndirnar af höllinni eru hér

Annars er allt fínt að frétta. Við Gummi höfum það gott, dugleg að æfa og jú borða. Við erum í einhverjum voða heilsupælingum og borðum mikið gras. Ég endurtek borðum, ekki reykjum..

Fórum meðal annars í sund í dag og Gummi var jafn hneikslaður og ég á sundstíl þjóðverja. Ég spurði fyrir um sundkennslu í skólum og er hún ekki nema í 1 ár! Við erum svo heppin að hafa sundlaug á hverju horni heima og langflestir eru vel syntir.

En jæja blue mans group á laugardaginn ásamt túristaleik í Oberhausen. Veðrið mætti þó vera betra en það er frekar kalt og rigningarlegt þessa dagana.

Helgin

2008-03-01T14:07:00.003Z

Það er allt að komast á rétt ról hjá mér aftur. Fæturnir nánast grónir og æfingar að detta í góðan rythma. Ég var að fatta að ég hef ekki tekið neinar almennilegar myndir af aðstöðunni minni hérna til að sýna ykkur svo á næstu dögum mun ég redda þeim setja þær hér inn.

Gumma karlinn ætla ég bara að senda með lestinni... Já spurning um að keyra í 7 tíma allt í allt í ekki svo þægilegum bíl eða láta hann dúsa í 3 tíma og 18 mínútur í lest þá fannst mér það seinna skynsamlegra (og jú ódýrara). Vona að hann fyrirgefi mér..
Hann semsagt kemur á morgun og ég hlakka mjög mikið til :)

Dagurinn í dag fer þá bara í að undirbúa komu hans, tiltekt og fataflokkun því ekki eins og það sé eitthvað pláss í skápunum hjá mér. Kannski ég skelli mér í IKEA og fjárfesti í einhverju lífsónauðsynlegu. Það er alltaf svo gaman.

Annars var brjálað veður í nótt. Ég hef aldrei vitað annað eins hérna. Ég meira að segja vaknaði við það, komst upp í töluna 16 í eldingum (skíthrædd að hugsa um skíðaferðalagið fræga í 8.bekk þegar ég fékk eldinguna í hausinn....) en sofnaði loks vært. En vindurinn var slíkur að húsið hristist og eldingarnar voru hérna við mig og því allt bara blátt. Ég beið eiginlega eftir því að tréð fyrir framan eldhúsgluggann (stikagreni sem er miklu hærra en húsið mitt sem er þó 3ja hæða) mundi skella á húsinu. Svo hitti ég Angi á æfingu áðan og það sem hún lenti í í nótt var hreinlega fáránlegt. Kl um 03 var hún að keyra á hraðbrautinni heim og 300m fyrir framan exitinn hennar verður slys og allt stoppar. Löggan lokar veginum og hún húkir í bílnum sem verður að lokum rafmagnslaus. Út fer Angi að spurja fólk í næstu bílum hvort það sé með startkapla en nei enginn var með þá (og rigningin úti var ekkert eðlileg!) Loksins koma einhverjir gaurar og hjálpa henni að ýta í gang. Ofan á allt er hún að drepast úr pissuspreng en þarf að bíða í um 2 tíma þar til löggan hleypti umferðinni í öfuga átt á hraðbrautinni þ.e hún þurfti að snúa við og með einhverjum krókaleiðum keyra heim. Vá pirr en ég held við þökkum nú samt bara fyrir að það var ekki hún sem lenti í þessu slysi.

Komin aftur til Leverkuen

2008-02-26T08:46:00.004Z

Flaug aftur til Leverkusen í gær. Ykkur sem finnst ég þreytuleg á myndinni rétt eftir lendingu á Íslandi hefðuð átt að sjá mig þegar ég kom í hús í gær. Ji hvað ég var þreytt. Fór beinustu leið uppí rúm og svaf í 2,5 tíma. Vaknaði svo kl 20:30 horfði á einn dvd og fór aftur uppí rúm og steinrotaðist til kl 09 í morgun! Ég er líka þvílíkt útsofin núna :) Ég er ekki alveg að skilja þessa þreytu því ég var nú bara í hvíld heima en ekki á fullu eins og mætti halda. Ferðalögin eitthvað farin að hafa meiri áhrif á mig en hérna áður fyrr...

Bikarkeppnin var semsagt um helgina heima og FH lenti í 2.sæti með einu stigi minna en ÍR. Glæsilegt hjá ÍR og gaman en við áttum að geta betur. Frekar svekkt að hafa ekki getað stokkið en eitt stökk hefði verið nóg til að við mundum vinna. Ég pantaði flugmiðann síðasta mánudag og var hann af ódýrustu gerð, óbreytanlegur án forfallagjalds. Á þriðjudeginum fer ég til læknis því ég var búin að vera frekar slæm í hægri kálfanum (tognaði fyrir jól í þeim vinstri) í viku en hafði samt æft á það. Niðurstaða læknisins var að ég væri núna tognuð í hægri kálfanum! Þetta er nú samt bara svona 1/4 verkjalega séð frá þeim vinstri svo þetta verður ready á no time. Ég vildi ekki hætta á að rífa þetta upp á bikarnum svo Hilda greyið fékk að togna fyrir mig... Hilda stökk og tognaði í lærinu enda ekki búin að æfa stöngina síðan síðasta sumar. En ég mundi kalla þetta fórnun ársins :)

Hjá mér var það þó smá sárabót að fá að vera á hliðalínunni og vera með í stemningunni aðeins. Daginn fyrir mót hittist liðið og borðaði saman en ég hef ekki verið með í svona liðshittingi síðan ég veit ekki hvenær. Þetta er margt nýtt fólk sem ég hef aldrei kynnst og því gaman að horfa framan í það aðeins fyrir utan frjálsíþróttavöllinn.

Það var líka gott að koma aðeins heim og hitta Gumma, foreldra, ömmurnar, afa, systkyni, mágkonur, litlu frændur mína og litlu frænku. Fékk svona fjölskyldu sprautu beint í æð :)

Planið núna er bara að jafna mig í kálfanum, get lyft og gert þrek og svo er sjúkraþjálfun næstu daga og læknisheimsókn í kvöld. Gummi er svo að fara með Sólon til Lux á fimmtudag, spilar þar á föstudag og laugardag og svo ætla ég að sækja hann (eða ég sendi hann með lestinni bara) en þetta er um 2,5 tíma akstur aðra leið.

2008-02-22T09:23:00.003Z

Svo megið þið ekki gleyma því að lang besti bankinn er SPRON!!!

Stutt heimsókn

2008-02-22T08:45:00.002Z

Ég er stödd á Íslandi þessa stundina en ég flaug einmitt heim með Silju í gær. Ég var ekki búin að segja neinum að ég væri að koma, þar á meðal Gumma og foreldrum mínum. Að hafa þetta svona óvænt var að sjálfsögðu hugmynd Silju... :)

Ég fór semsagt inní skóla til Gumma í gær og beið eftir því að hann kæmi út. Jafn undrandi mann hef ég aldrei á æfinni séð. Tók hann síðan langan tíma að fatta það að ég væri þarna.. Voða sætt og skemmtilegt allt. Einnig urðu foreldrar mínir mjög hissa þegar ég mætti heim með ferðatöskuna :)

Þetta er nú bara örstutt stopp og fer ég aftur í loftið á mánudaginn. Við sjáumst kannski einhver á vellinum um helgina eða heyrumst.

Island baby!

2008-02-21T17:48:00.001Z

Algjör stelpudagur

2008-02-20T22:53:00.004Z

Stelpudagurinn byrjaði með léttri æfingu síðan skelltum við okkur í gufu með nöktu gömlu körlunum. Eftir að hafa flissað þar, slakað á, lesið og sofið fórum við að borða og í sjúkraþjálfun. Þá var haldið til Kölnar og drukkið kaffi á Starbucks og verslaðar buxur í Zöru. Eftir bæjarferðina fórum við Silja svo á handboltaleikinn Gummersbach - Ciudad Real þ.s við skemmtum okkur vel þótt að heimamenn töpuðu. Dagurinn endaði svo með DVD glápi yfir Dreamgirls. Er til betri stelpudagur?? Frábær dagur í alla staði :)

Ferðin hjá Silju er nú komin að enda og flaug vikan hreinlega í burtu. Æðislegt að hafa svona smá vinkonu gæðastundir og góðan félagsskap á æfingu. Það var algjörlega kominn tími á okkur að spjalla í eigin persónu. Takk fyrir vikuna Silja mín :*

Á dagsskránni hjá mér er bara að klára þessu viku sem er létt vika í æfingum og fylgjast svo með bikarnum um helgina heima. Einnig er þýska meistaramótið um helgina og það er alltaf spennandi að sjá hverjir stökkva sig inná HM innanhúss í byrjun mars. Ég tipsa á Tim Lobinger, Alexander Straub, Silke Spiegelburg og Julia Hütte. Svo tipsa ég auðvitað á að FH vinni bikarinn :) Semsagt frjálsíþróttahelgi framundan!

Morgunmatur

2008-02-20T08:59:00.001Z

Silja i prinsessustolnum

Kaffihusadagur

2008-02-17T15:04:00.001Z

Tíminn flýgur

2008-02-17T08:52:00.003Z

Allt í einu flýgur tíminn bara áfram. Við erum búnar að vera duglegar við allt. Æfa, borða, sofa, út að borða, handboltaleik, í bæinn og í dag er okkur boðið í pizzu til Angi og svo ætlum við bara í göngutúr um hverfið mitt og horfa á dvd-myndir. Einnig höfum við hlegið mikið, fórum til dæmis út að borða á Valentínusardaginn og sátum frá kl 19 til kl 00.30 að borða, spjalla og hlægja til skiptis. Algjört snilldarkvöld.

Við fórum semsagt að horfa á Gummersbach spila á móti Valenji Goronji (eða eitthvað álíka) í Champions League og eins og þið vitið vann jú Gummersbach. Á miðvikudaginn kemur svo Ciudad Real og ég held við verðum að mæta á þann leik líka.

Silja virðist vera mjög hrifin af vellinum mínum hérna (ekki hissa á því) og ég held hún ætli bara ekkert heim... Það eru auðvitað allir að spurja mig hver þessi sæta ljóska er og að sjálfsögðu sé ég svo hvern einasta karlmannshaus stara á eftir henni á brautinni. Mjög fyndið en auðvitað gaman :)

Hmm og já Isinbayeva setti víst heimsmet innanhúss í gær, fór 4,95. Ágætt bara..

Stefnumot med Silju

2008-02-14T23:19:00.001Z

Gledilegan valentinusardag og til hamingju med afmaelid Albert minn

2008-02-13T18:04:00.001Z

Silja kemur!

2008-02-13T16:58:00.003Z

Silja er að koma í heimsókn til mín á MORGUN! Hún verður í viku og ætlar að æfa hjá mér á vellinum. Það verður algjört æði og ég hlakka geðveikt til!

Æfingar ganga annars vel. Ég stökk aðeins síðastliðinn mánudag og það gekk hreint út sagt stórkostlega :) Sko stórkostlega miðað við staðsetningu í tækniþjálfuninni. Er semsagt enn á 12 (af 16) skrefum og á skokkskóm nema ég flaug hreinlega yfir 4,20. Langt síðan ég hef fundið þessa skot tilfinningu. Ég stekk sjaldnar núna og tek færri stökk í einu og það hentar mér einfaldlega mun betur. Er frísk í huganum þá á hverri æfingu og get kýlt á það.

Myndin hér að neðan af Elvari var tekin á símann minn í jólafríinu heima. Við Brynjar og Elvar (synir Alberts bróður míns) höfðum verið í sundi þennan dag og skelltum okkur í smá sukk eftir sundsprettinn. Finnst bara hláturinn hans svo innilegur og myndin því sæt og skemmtileg.

Haldiði að ég hafi ekki skellt mér í klippingu í dag. Hef aldrei treyst mér á þýska hárgreiðslustofu en keyrði framhjá einni í gær sem leit nútímaleg út. Skellti mér inn og pantaði tíma. Ég er bara nokkuð ánægð með afraksturinn og ekki er verra að klipping og strípur var ekki nema 64 evrur.

Hittingur á Havana í kvöld. Það eru 2 kanar hérna í Leverkusen á milli móta hjá sér svo við ætlum að nýta tækifærið og gera eitthvað saman. Gerist ekki of oft hjá mér hérna að ég kíki út fyrir æfingavöllinn svo þetta verður kærkomið.

Elvar

2008-02-10T23:27:00.000Z

Yndislegt augnablik! Godur dagur med fraendum minum heima a islandi i januar

Enn ein helgin á enda

2008-02-10T21:46:00.001Z

Já vorið er komið í bili allavega. Þessi mynd hér að ofan var reyndar tekin í morgun eftir smá hjólatúr þegar enn var kalt... þessvegna er ég í dúnúlpu með húfu :)
Það fór uppí 12-13 stiga hita í dag og við Angi kíktum í göngutúr um hverfið mitt. Haldiði ekki að ég hafi rekist á Bimbu, fyrrverandi fimleikaþjálfara minn. Bara 50m frá húsinu mínu við hesthúsin! Þá er dóttir hennar með hest í geymslu þarna og ríður út á honum um helgar og á meðan er hún í göngutúrum um hverfið!! Hversu lítill er þessi heimur??

Gærdagurinn fór í að redda Irinu með tölvu sem hún var að kaupa. Hún kann auðvitað ekki einu sinni að kveikja á henni svo ég ég setti hana í gang og setti upp hitt og þetta fyrir hana. Reyndi svo að útskýra muninn á email og msn og að það sé bara hægt að leggja pappir á einn veg í prentarann... Landscape prentun er still inní tölvunni í Word.. Úffffffff ég hef ekki þolinmæði í þetta. Svo neitaði hún að fara á námskeið fyrir rússneska innflytjendur sem eru að byrja að nota tölvur. Já ótrúlegt þá er þessi kúrs til í lýðháskólanum hérna og hann var að byrja síðasta fimmtudag. Hún átti ekki efni á því :( Ég get ekki verið að borga of oft fyrir hana og ákvað því að splæsa ekki í kúrsinn handa henni (hef keypt handa henni m.a myndavél, gefið henni fullt af fötum, keyrt hana hingað og þangað, boðið henni út að borða osfrv).

Jæja annars hin ágætasta helgi að baki og veðrið á ekkert að fara að breytast svo næsta vika leggst bara mjög vel í mig :) Tala nú ekki um ef ég er að fá gest...

Sól og sumar

2008-02-08T07:56:00.001Z

Ég heyri af miklum snjó og kulda heima á Íslandinu þessa dagana og langaði bara að segja ykkur að ef ykkur langar í smá sól þá Leverkusen staðurinn til að vera á. Hér er spáð sól svo langt sem spár ná! Jafnvel 11 stiga hita :) Veðurspá er hér

Í sólinni er planið að taka nokkrar myndir fyrir skólann og svo ætla ég líklega að skella mér til Düsseldorf í dag að horfa á strákana keppa. Í gær fór ég til Kölnar og verslaði ferðabækur fyrir 8000kr! Sjæse, hef aldrei keypt ferðabók áður og keypti 4 á einu bretti í gær. Ég hefði átt að vera löngu búin að kaupa þessar bækur um Þýskaland og Cape Town en einnig keypti ég bækur um Kína og Tenerife. Ég ætla að fara að vita eitthvað um löndin sem ég fer til og jafnvel kíkja á einn veitingastað eða svo sem mælt er með.

Sund á dagskránni í dag meðal annars. Það er skandall að horfa á fólkið hérna synda miðað við heima. Það er eins og enginn hafi lært að synda og finnst mér ótrúlegt að sund sé kennt í skólanum eins og heima. Ætla að spurjast fyrir um það. Fólk er ýmist með sundgleraugu og fer aldrei í kaf eða á rosa spretti í skriðsundi og hausinn fer aldrei einu sinni nálægt vatsyfirborðinu. Þetta er eiginlega bæði sorglegt og mjög fyndið.

Dagur 3

2008-02-06T08:33:00.000Z

Þá er það harðsperruprógramm á ný. Fékk auðvitað strax harðsperrur eftir fyrsta daginn, ótrúlegur fjandi. En ég er nú reyndar ein af þeim sem líkar það að fá harðsperrur. Fyrsta vikan er semsagt í gangi og prógrammið leggst mjög vel í mig. Gerðist svo drjúg að plana lyftingaræfingar og þyngdir 8 vikur fram í tímann. Markmiðin eru þessi:

Klín frá gólfi í lok apríl 87,5kg (á 82,5 síðan i fyrra)
Klín frá hnjám í lok apríl 90 kg (á 87,5 síðan 2001)
Snara í lok apríl 60 kg (á 55 kg síðan í fyrra)
90°hnéb í lok apríl 110 kg
Líkamsþyngd í lok apríl 67 kg (er núna 64 kg - á mest 66 kg)
Líkamsþyngd í ágúst 64,5 kg
30 m fljúgandi í lok júlí 3,43 s (á best 3,44 í júlí 04 - hleyp núna c.a 3,70)
Stangarstökk í ágúst 4,70

Að opinbera markmiðin setur jákvæða pressu á mig. Ég ætla að ná þessu!

Hætt við innanhúss

2008-02-03T14:33:00.000Z

Já tók ákvörðun í dag. Ég ætla ekki að keppa neitt innanhúss heldur bara halda mínu striki í æfingum og vera búin að æfa á fullri atrennu í gaddaskóm áður en ég keppi á fyrsta mótinu mínu í sumar. Eftir bakslagið í desember er ljóst að ég næ ekki að komast í gaddana núna innanhúss og því kyngji ég þessari staðreynd bara. Eins og ég hef sagt átti innanhúss hvort eð er bara að vera dingl svo ég græt þessa ákvörðun ekki neitt. Sumarið skiptir máli og ef ég ætla að fara 4,70 þá verð ég að vera búin að æfa í fullum klæðum.

Ég sit semsagt á gólfinu inní stofu að blaða í gegnum gömul og ný prógrömm og ætla mér að setja upp eitt skothelt. Næ sex vikum núna fyrir æfingabúðir og svo næ ég öðrum 8 fyrir mótin sem byrja í maí.

Ég las um daginn bókina Þúsund bjartar sólir á einum degi eftir Khaleid Hosseini. Þetta er sami höfundur og skrifaði Flugdrekahlauparan. Ég mæli stórlega með þessari bók. Sjálf er ég með æði fyrir kvenhetjusögum og kvenreynslu sögum úr austri þessa mánuðina og hef lesið núna hverja bókina á fætur annarri. Maður fræðist um svo margt í gegnum þessar bækur, bæði sögu landsins og aðstæður fólks í múslímaríkjunum. Á náttborðinu er samt The Secret núna ásamt ljósmyndaheftum. Næst í röðinni er það svo Þar sem vegurinn endar eftir Hrafn Jökulsson og Alexis Sorbas eftir Nikos Kazantazakis. Greinilega brjálað að gera á þessum bæ..

Hafið það gott á sunnudagseftimiðdegi. Ég bíð spennt eftir fyrstu mótstölum Angi en þær fara vonandi að birtast mér brátt. Til hamingju krakkar með flott mót á MÍ 15-22 ára. Búin að sitja á refresh takkanum í allan dag að tékka á úrslitum.

jæja

2008-01-31T10:41:00.000Z

Pistillinn hér að neðan var búinn til fyrir síðu Liðs Hafnarfjarðar og ég skellti honum á bloggið mitt bara svona í leiðinni. Vona að einhverjir hafi fengið spark í rassinn en vona jafnframt að enginn sé byrjaður að æfa 5x á dag :)
Jú allt er gott í hófi og stundum, þótt ótrúlegt megi virðast, er minna = meira.

Það settist í mig einhver kveffjandi í fyrradag og er ég búin að vera vel slöpp síðan. Tók þá ákvörðun að hafa hægt um mig þessa vikuna og stekk því ekkert meira. Stökk reyndar á mánudaginn og gekk það mjög vel. Kom reyndar smá bakslag í hásinina eftir þá æfingu en ég vil kenna kvefinu um. Það er jú oft þannig að þegar líkaminn er með einhvern vírus eða bakteríu verða veiku hlutirnir viðkvæmari. Ég fer því ofurvarlega þessa dagnana og það gerðist meira að segja í fyrsta sinn á æfinni að ég var bara heima með kvef í gær.

Í dag er fyrsti dagurinn i Karnivali og því allt lokað. Fólk flykkist núna í bæinn í allskyns búningum með bjór í annarri og myndavél í hinni. Ég ætti eiginlega að redda nokkrum Karnival mannlífsmyndum til að sýna ykkur. Við erum að tala um sextugar ömmur í tigerbúning..

Þú uppskerð eins og þú sáir

2008-01-27T22:08:00.000Z

Hæfileiki einstaklingsins í viðkomandi íþrótt er eitthvað sem gott er að hafa til að ná árangri. Hugarfar og rétt beiting hugans á æfingu eða í keppni er annað sem verður að hafa ef stefnt er á toppinn. En svo aftur spurningin, hvar skilgreinum við toppinn?
Að mínu mati eru stærstu sigurvegararnir þeir sem upplifa það að sigra sjálfan sig, sem geta eitthvað sem þeir ekki gátu áður, þeir sem komast yfir hindranir og þeir sem leggja sig alltaf 100% fram. Stundum eru verðlaunin gullpeningur um hálsinn, stundum er það stórt bros í eigin andliti.

Það eru margir sem halda að það sé nóg að hafa hæfileikann til að ná langt. Trassa jafnvel æfingar og leggja ekki hart að sér á æfingum eða í keppnum. En slíkt hugarfar kemur hæfileikaríkum íþróttamanni ekki langt, þeir verða ekki góðir lengi. Síðan eru aðrir sem hafa litla hæfileika en mjög mikinn vilja og áhuga á að verða bestir, þessir einstaklingar skara jafnvel framúr.

Hugarfarið skiptir miklu máli í íþróttaiðkun líkt og mörgum öðrum hlutum í lífinu. Að ætla sér að verða bestur þýðir að það þurfi að leggja hart að sér, klára hverja æfingu með fullri áreynslu, hlusta á þjálfarann og treysta því sem hann er að segja, setja sér lítil og stór markmið eins og að ætla sér að verða betri í dag en í gær eða að ná í gullið næst eftir að hafa krækt í silfur. Þannig er hægt að hlaða ofan á getu sína smátt og smátt þar til stóra markmiðinu er náð. Þá er byrjað upp á nýtt, ný markmið sett og enn meira lagt á sig til að ná því.

Þegar kemur að því að keppa vilja taugarnar oft taka stjórnina af íþróttamanninum og þeim árangri sem búist hafði verið við er langt í frá náð. Það þekkja allir íþróttamenn neikvæðar tilfinningar sem ásækja hugann í keppni. Galdurinn er að kunna að tækla þær líkt og það þarf að tækla andstæðinginn. Björn Daehlie, margfaldur Ólympiumeistari í skíðagöngu, sagði einu sinni að fyrir keppni þarf hann alltaf að hafa tvö rúm í herberginu sínu því hann svitnar svo mikið útaf stressi á nóttunni að hann þarf að skipta um rúm. Þetta er gott dæmi um íþróttamann jafnvel í fremstu röð sem þjáist af stressi og kvíða fyrir mikilvæga keppni. Það er semsagt eðlilegt að hafa þessar hugsanir og það þarf að kunna að sigrast á þeim og það er hægt að læra.

Á ný liðnu Evrópumeistaramóti í handbolta voru þjóðverjar með aukaþjálfara í liðinu. Sá þjálfari sá um svokallaða “hvatningaþjálfun”. Hann var einungis til staðar til að hjálpa leikmönnunum að hugsa jákvætt. Það er vísindalega sannað að þegar íþróttamaður hugsar jákvætt hefur hann meiri kraft. Þar af leiðandi getur hann nýtt betur þá vinnu sem hann hefur lagt í æfingar í keppninni sjálfri.

Það er ljóst að ef ná skal árangri þarf að leggja hart að sér. Það þarf að borða hollan mat, sofa mikið, trúa alltaf á sjálfan sig og hugsa jákvætt. Það þarf að tapa til að geta sigrað og það þarf að bera ábyrgð á eigin frammistöðu í slæmu gengi. Þjálfari er til staðar til að aðstoða íþróttamannin til að ná á toppinn, hann býr ekki til meistara með eigin höndum. Það er á valdi íþróttamannsins að gera það sem hann segir og örlítið meira en það. Eftir slæmt gengi þarf að nota viljann að vopni og nýta mótlætið í styrk og reynslu. Allir hrasa, það kemur alltaf hindrun í veginn, en það eru aðeins þeir sterku og viljamestu sem standa upp og uppskera það að komast á toppinn.

Rólegheit

2008-01-25T17:21:00.000Z

Þá er maður dottinn í sömu rólegheit og fyrir jólafrí. Þá meina ég rólegheit fyrir utan íþróttavöllinn. Ég æfi reyndar bara 1x á dag núna til að hlífa kálfanum aðeins og til að vera frískari á tækniæfingunum þannig að rólegheitin er reyndar mun meiri núna. Nú tek ég tímabil þar sem ég æfi minna en einblíni á tæknina. Frítími vikunnar er því búinn að fara í hangs, eldamennsku, hangs, tiltekt, lestur, hangs og smá sjónvarp. Reyndar er handboltakeppnin búin að halda mér frekar upptekni mér til mikillar ánægju.

En tækniæfingin fór vel í dag. Var aftur á 12 skrefum og var að stökkva fínt. Mun fara í fulla atrennu, 16 skref, í næstu viku.

Strákarnir eru allir að keppa um helgina og Silke keppir einnig í kvöld. Það verður spennandi að sjá hvernig það allt saman fer og hvort skeggið hans Leszek muni fjúka. Hann byrjaði að safna yfirvararskeggi í haust og segist raka það af þegar einhver setur met. Ég held samt að það muni vera í mínum verkahring að sjá til þess að skeggið fari af ;)

Ykkur Yvonne Buschbaum aðdáendum get ég sagt það að hún heitir núna Balian og er byrjuð á hormónameðferðinni. Nafnið tók hún úr myndinni "Konungur himinsins" (held hún heiti það) en þar hét einn karakter Balian frá Ibelin. Hún segir á síðunni leichtatletik.de: "Þetta hefur sérstaka þýðingu fyrir mig. Þetta fjallar um fólk sem tapar öllu og heldur af stað í ferðalag til að finna sjálft sig og hvert hlutverk þeirra í lífinu er."
Hún segist meðal annars alltaf hafa liðið eins og hún væri karlmaður og hafi alltaf átt í ástarsamböndum með gagnkynhneigðum konum. Hún var flokkuð með lesbískum konum en í þeirri skúffu átti hún ekki heima. Það hefur alltaf eitthvað ekki passað í hennar lífi og núna ætlar hún að láta lífsdraum sinn rætast. Hún gerir sér grein fyrir því að það séu ekki allir sem eru sammála henni að fara útí þetta en hún segist vera að þessu fyrir sig og fer sínar eigin leiðir í lífinu.

Er það ekki einmitt málið? Maður lifir einu sinni og auðvitað á maður að fara sínar leiðir og gera það sem hjartað segir manni.

Á ný í Leverkusen

2008-01-23T14:38:00.000Z

Ferðalagið gekk með óhemjum vel. Áður fyrr lenti ég alltaf í endalausum uppákomum eins og aðrar vinkonur mínar en það er eins og þetta hafi bara elst af mér (svo segiði að það sé slæmt að eldast). Allavega gekk allt eins og smurt og ég hitti jafnvel fólk úr fortíðinn sem ég hef ekki séð í meira en 10 ár. Gaman að því.

Þótt ég sakni ykkar heima þá verð ég að játa það að það var gott að koma í íbúðina MÍNA. Nóg af plássi fyrir MIG :) Það lá við ég fengi víðáttubrjálaði með dótið mitt þegar ég kom hingað. Bý semsagt frekar þröngt þegar ég er heima. Mér finnst það reyndar bara fínt en finn síðan greinilega hvað það er gott að hafa pláss þegar ég fæ það.

Það lítur út fyrir að jólafríið hafi bara farið vel í mig. Ég var semsagt í 7 vikur heima en tókst alveg að æfa frekar vel bara. Auðvitað mun minna en ég hafði gert áður en ég kom heim þar sem ég tognaði mjög létt í kálfanum rétt áður en ég fór og gat því ekki æft jafn mikið. Ég jafnaði mig þó og fór að geta tekið meira á því, lyfti vel og hljóp í sundi og synti ágætlega. Drillaði svo bara með stöngina og gerði smáæfingar og þrek. Stökk semsagt lítið sem ekkert (1x á 8 skrefum) og var fyrsta stökkæfingin í dag með Leszek. Ég skellti mér beint í 12 skrefin, þangað sem ég var komin þegar ég fór heim, og það gekk líka svona rosalega vel. Leszek átti varla til orð, steinhissa á þessu. Ég var semsagt að gera tæknilegu hlutina betur en fyrir jólafrí. Ég tel ástæðuna vera þá að ég var að hjálpa guttum heima að stökkva og var því alltaf með hugann við tæknilegu atriðin. Einnig er ég ekki í sama æfingaálagi og þá og tel mig hafa bara verið orðna of þreytta þarna í nóvember.

Allavega, þetta byrjar vel og dagurinn verið mjög góður. Ég er mjög sátt við að vera komin á fullt og hlakka til að stökkva meira.

Lið Hafnarfjarðar

2008-01-20T09:47:00.000Z

Til er orðið Lið Hafnarfjarðar. Helsta íþróttafólk Hafnarfjarðar kemur saman og býr til lið. Við bloggum öllsömul um okkar gengi og má nú lesa færslur eftir Loga, Ásgeir Örn og Helenu Sverrisd eftir síðustu leiki þeirra. Endilega kíkið við hér

Síðasti dagurinn minn á Íslandi í bili og það er að sjálfsögðu nóg að gera í dag. Fyrir það fyrsta er mót inn í Laugardalshöll og svo þarf auðvitað að pakka og ganga frá endalaust mörgum hlutum. Svo er það leikurinn við Frakka sem verður gaman að horfa á. Hrikalega var fyrri hálfleikur flottur hjá þeim í gær. Vona að maður fái að sjá meira af slíkum leik.

Jæja ætla að fara að byrja á einhverju. Heyri í ykkur þegar ég er komin út.

Ólympíublogg

2008-01-16T22:48:00.000Z

Jæja þá hefur bæst við enn ein vefsíða fyrir bloggrúntinn ykkar. Ólympíuhópur FRÍ (Silja, Óðinn, Beggi, Ásdís og ég) munum halda úti vefsíðu til að fylgjast með hvoru öðru í undirbúninginum og til að leyfa ykkur að fylgjast betur með okkur. Síðan er hér
Endilega verið svo dugleg að kommenta.

Annars ekkert nýtt að frétta. Vésteinn er á fullu að finna mót handa mér en það er voðalega lítið um innanhúss mót í Evrópunni. En eins og ég sagði er það í lagi því þetta verður jú bara æfingatímabil hjá mér.

Æfingar ganga annars bara þokkalega. Hef verið dugleg að lyfta síðustu vikur og er öll að styrkjast. Ég er byrjuð á hrikalegum heilsukúr og er að taka ýmis jurtameðul allan daginn. Við erum sko að tala um grænar klósettheimsóknir... :)
Tek núna duft sem heitir Green Phyto og á að gefa manni orku og svo Chloryllu sem er blaðgræna og á að auka súrefnisflutning og þar með endurhæfingu líkamans. Veitir nú ekki af því. Chloryllan á meira að segja að eyða svita- tá og andfýlu.

Mót um helgina í höllinni en ég mun ekki taka þátt í því. Hvet alla til að mæta og kíkja á flottu og efnilegu krakkana sem verða í fremstu röð eftir nokkur ár.

Nýr umboðsmaður

2008-01-13T11:42:00.000Z

Um áramótin skipti ég um umboðsmann og er ég komin aftur til Vésteins Hafsteinssonar. Síðustu 4 ár hef ég unnið með Marc Osenberg sem ég hef verið svona mis ánægð með. Hann bjóð þó í Leverkusen og voru því öll samskipti auðveldari. Ég vann þar á undan með Vésteini og var alltaf ánægð með hann og saknaði eftir skiptin. Ég er því mjög ánægð með að vera farin að vinna með honum aftur.

Ég er enn stödd á Íslandi. Fer út þann 21.janúar og mun voða lítið koma heim fyrr en næsta haust. Búið er að plana æfingabúðir í Tenerife í mars í 2 vikur og svo þar á eftir 2 vikur í Suður Afríku. Ég mun líklega keppa á nokkrum mótum núna innahúss en þó munu allar áherslur liggja á sumrinu. Þ.e innanhússtímabilið mun vera meira sem æfing en alvarleiki enda þarf ég að spara keppnisskóna sem mest vegna fótavandamála. Mig langar þó að reyna að keppa á Meistaramóti Íslands þann 8.-9. febrúar ásamt nokkrum mótum útí heimi. Þó er ekkert ákveðið í þeim efnum.

Gleðilegt ár

2008-01-08T10:23:00.000Z

Komiði sæl...
Það er víst komið nýtt ár og ég var að spá í að gera smá samantekt frá árinu 2007 en ég veit ekki hvort ég láti nokkuð verða að því. Það gerðist svosum ekkert margir merkilegir hlutir í fyrra. Það sem einkenndi árið hjá mér voru hásinaverkir frá byrjun og fram í september og því voru æfingar og keppnir frekar pína heldur en að hafa gaman að því. Ég ákvað því að fara til Svíþjóðar í Cortison sprautu og taka sjénsinn á að verða verkjalaus eða enda ferilinn. Enn sem komið er er ég verkjalaus :)

Það fór því lítið fyrir keppnum og árangri hjá mér. Ég fór þó 4,40 á fyrsta mótinu mínu um sumarið og náði lágmarki fyrir HM í Osaka sem var í ágúst og fyrir Ólympíuleikana í Pekíng á þessu nýja ári. HM fór ekki nógu vel, stökk 4,35 og lenti í 19.sæti. Þegar ég lít tilbaka yfir árið er ég nánast stolt af sjálfri mér fyrir að hafa klárað þetta. Gafst aldrei upp þótt hvorug löppin á mér hafi verið að virka. Held það sé sigur ársins hjá mér.

Gummi var hjá mér úti mest allt sumarið og áttum við frábæra tíma saman bæði þá og um páskana í æfingabúðunum í Suður Afríku. Það er svo miklu skemmtilegra og auðveldara að standa í öllum þessum æfingum, sprautumeðferðum og öllu öðru í kringum íþróttina með svona klett við hliðina á sér. Veit ekki hvort ég hefði getað þetta án hans. Svo er ekki verra að vera skotin í klettinum :)

Ég kláraði B.s námið mitt í verkfræðinni síðastliðið vor. Það var stór uppbót fyrir frekar slappt frjálsíþróttaár.

Framundan er stórt ár. Ólympíuleikar í ágúst og svo flutningar heim í september. Dvöl mín í Leverkusen fer að renna sitt skeið en tímann þangað til ætla ég að nota vel fyrir undirbúninginn fyrir ÓL.

Árið byrjaði þó á dapurlegan hátt. Afi minn dó á nýjársdag en þó var heilsu hans búið að hraka mjög og hvíldin var því honum kærkomin. Amma mín þarf þó að horfa á eftir lífsförunaut sínum sem hún var gift í 63 ár.

Gleðileg jól

2007-12-24T10:39:00.001Z

Ég óska ykkur lesendur góðir gleðilegra jóla og farsældar á komandi ári. Takk fyrir lesturinn og athugasemdirnar á árinu.

Jæja

2007-12-11T15:12:00.000Z

.. hvað segiði, ekkert farin að sakna mín hérna?
Þið eruð svo öflug í kommentunum að ég veit bara ekki hvað ég á að gera við allan bloggandann sem svífur um í sálu minni..

En hvað með það, þið megið bara eiga ykkur, ég kjafta þá bara við sjálfa mig.

Eins og þið allir kæru vinir vitið er ég stödd á Íslandinu og hef það voða gott. Æfingar hafa verið rólegar enda var kominn tími á smá rólegt tímabil í þeim en nú fer að koma að hörkunni aftur. Á mánudaginn hefst ný törn í þeim sem mun standa þar til ég fer aftur út þann 7.janúar.

Ég er byrjuð í ljósmynda"námi". Þetta er fjarnám úr þýskum skóla sem mun taka 1 ár. Mig hefur alltaf langaði til að kunna grunn ljósmyndun og ég ákvað því loks að láta gamlan draum rætast. Þetta eru 13 verkefni og ég er að verða búin með fyrstu tvö. Mér líst mjög vel á þetta og hlakka til að læra, lesa og mynda meira.

Ég var búin að segja ykkur um daginn hvað ég væri nú lítill föndrari enda kannski ekki skrítið þ.s ævi mín hefur bara farið í skólagöngu og æfingar. Nú er pása í skólagöngunni og haldiði að ég hafi ekki límt mósaík á lampa... Já ég var bara alveg hissa á að mér hafi tekist það, ég braut ekki lampann né missti mósaíkinn í gólfið. Lampinn virkar og er bara ekkert svo ljótur.